09:55 22 նոյեմբերի 2019
Ուղիղ եթեր
  • USD476.69
  • GBP617.03
  • EUR528.46
  • RUB7.47
Կարո Փայլան

Իսլամ ընդունած տղայի դեպքը Փայլանը որակում է երեխայի շահագործում. նա բողոք կներկայացնի

© Sputnik / Karen Epremyan
Տարածաշրջան
Ստանալ կարճ հղումը
41010

Կարո Փայլանը պաշտոնական բողոք կներկայացնի Թուրքիայի Ռադիոյի և հեռուստատեսության բարձրագույն խորհրդին և դատախազությանը:

ԵՐԵՎԱՆ, 14 մայիս — Sputnik. Թուրքիայի խորհրդարանի ազգությամբ հայ պատգամավոր Կարո Փայլանը տեսակցել է թուրքական հեռուսաալիքներից մեկի ուղիղ եթերում մահմեդականություն ընդունած 13-ամյա հայ տղայի՝ Արթուրի մոր հետ: Այս մասին Փայլանը տեղեկացնում է Facebook-ի իր էջի միջոցով:

Տղայի մայրը հայ պատգամավորին տեղեկացրել է, որ երեխայի մասնակցությունը հեռուստահաղորդմանը չի եղել իր թույլտվությամբ:

Կարո Փայլանը սա դիտարկում է որպես երեխայի շահագործում և պատրաստվում է բողոք ներկայացնել Թուրքիայի Ռադիոյի և հեռուստատեսության բարձրագույն խորհրդին և դատախազությանը:

Ինչպես տեղեկացնում է թուրքագետ Վարուժան Գեղամյանը, իսլամական պահքի՝ ռամադան ամսվա ընթացքում Թուրքիայում շատ պոպուլյար են դառնում կրոնական քարոզները, որոնք ուղիղ եթերով հեռարձակվում են տարբեր հեռուսաալիքներով։

Ըստ թուրքագետի՝ դրանցից ամենահայտնին, թերևս, Նիհաթ Հաթիփօղլու անունով քարոզչի եթերներն են, որոնք առանձնանում են նրանով, որ Հաթիփօղլուն սիրում է ուղիղ եթերի ժամանակ ցուցադրել, թե ինչպես են այլ կրոնների ներկայացուցիչները ուղիղ եթերում իսլամ ընդունում՝ այդպիսով հաղորդումը իսկական շոուի վերածելով։

13-ամյա հայ տղան մայիսի 12-ին մահմեդականություն էր ընդունել հենց այս հեռուստահաղորդման ուղիղ եթերում:

թեգերը:
Կարո Փայլան, Ցեղասպանություն, Հայ Առաքելական Եկեղեցի, Թուրքիա

Գլխավոր թեմաներ