08:57 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
ՆԻկոլ Փաշինյանը և Իրակլի Կոբախիձեն

Սպասվող թեժ ամառը․ Հայաստանը կարևոր հյուրի է սպասում Վրաստանից, առջևում կարևոր փուլ է

© Photo : press office of the Parliament of Georgia
Տարածաշրջան
Ստանալ կարճ հղումը
120 0 0

Հայաստանի և Վրաստանի խորհրդարանների խոսնակները կհանդիպեն այս ամռանը և կքննարկեն համագործակցության կարևոր հարցեր։

ԵՐԵՎԱՆ, 17 մայիսի — Sputnik, Լաուրա Սարգսյան․ Վրաստանի խորհրդարանի խոսնակ Իրակլի Կոբախիձեի գլխավորած պատվիրակության այցը Հայաստան չափազանց կարևոր է երկկողմ հարաբերությունների համար։ Եվ ոչ միայն այն պատճառով, որ երկու երկրները վաղուց խորհրդարանական են դարձել։

Վերջին անգամ Վրաստանի խորհրդարանի նախագահը այցով Հայաստանում է եղել 2015թ-ի փետրվարին։ Այդ ժամանակ Վրաստանի խորհրդարանը գլխավորում էր Դավիթ Ուսուպաշվիլին։

Խորհրդարանի գործող խոսնակ Իրակլիա Կոբախիձեի Հայաստան այցելելու մտադրության մասին հայտնի էր դեռ մի քանի ամիս առաջ, սակայն այդ ժամանակ ստույգ ամսաթիվը չէին նշել։ Թեման կրկին արդիական է Վրաստանի խորհրդարանի փոխխոսնակ Գեորգի Վոլսկոյի և Վրաստանում Հայաստանի դեսպան Ռուբեն Սադոյանի հանդիպումից հետո։ Կողմերը քննարկել են այցի մանրամասները, որոնք չեն հրապարակվել։

Վրաստանի խորհրդարանի պատգամավոր Հենզել Մկոյանը Sputnik Արմենիայի թղթակցի հետ զրույցում նշեց, որ, ամենայն հավանականությամբ, այցը կկայանա 2019թ-ի հուլիսին։

«Խոսնակի ժամանակացույցը շատ հագեցած է, ուստի ամսաթիվն առայժմ հաստատված չէ, սակայն, ամենայն հավանականությամբ, այցը կկայանա հուլիսին։ Դիտարկվում են այցի երկու տարբերակներ», - ասաց Մկոյանը։

Առաջին սցենարով Վրաստնի խորհրդարանական պատվիրակությունը Կոբախիձեի գլխավորությամբ կժամանի Երևան, ինչպես դա լինում է նման այցերի ժամանակ։ Երկրորդ տարբերակով՝ Հայաստանի և Վրաստանի խորհրդարանների խոսնակները փոքր կազմով կհանդիպեն ոչ թե մայրաքաղաքում, այլ Տավուշի մարզում՝ Դիլիջանում կամ Իջևանում։

Ընդհանուր առմամբ վերջին շրջանում ակնհայտորեն նոր միտում է նկատվում երկու երկրների ղեկավարությունների հարաբերություններում։ Հայաստանի վարչապետ Նիկոլ Փաշինյանը և Վրաստանի վարչապետ Մամուկա Բախտաձեն երկու անգամ հանդիպել են ոչ մայրաքաղաքներում։ Հանուն արդարության պետք է նշել, որ հանդիպումները կրել են ոչ պաշտոնական բնույթ։

Մկոյանը դրական է գնահատում գալիք այցը։ Նա վստահ է, որ դա առաջին հերթին թույլ կտա Վրաստանի և Հայաստանի խորհրդարանների խոսնակներին ծանոթանալ միմյանց հետ։ Դրանից հետո կարելի է խոսել համագործակցության մակարդակը բարձրացնելու և այդ ուղղությամբ կապերն ակտիվացնելու մասին։

Վրացագետ Ջոնի Մելիքյանը նույնպես կարևոր է համարում այցը հայ-վրացական հարաբերությունների համար, սակայն, նրա կարծիքով, այն մի քիչ ուշացած է։

«Երկու երկրները խորհրդարանական հանրապետություններ են, ուստի խորհրդարանական կապերի ակտիվացումը բարեկամության խմբերի և օրենսդիր մարմինների մակարդակով շատ կարևոր է։ Դա թույլ կտա խորացնել համագործակցությունը», - Sputnik Արմենիայի հետ զրույցում ասաց Մելիքյանը։

Փորձագետը կարծում է, որ կապերի հաստատումը կարևոր է ոչ միայն վարչապետների մակարդակով, այլ նաև խորհրդարանների՝ հաշվի առնելով այն փաստը, որ երկու երկրների խորհրդարանները բավական ծանրակշիռ ինստիտուտներ են։

Գալիք ամառը երկու երկրների հարաբերությունների համար կդառնա վճռորոշ և կարևոր շրջան,  կարծում է փորձագետը։

Հիշեցնենք, որ վերջին անգամ Հայաստանի ԱԺ նախկին խոսնակ Արա Բաբլոյանի գլխավորած պատվիրակության այցը Վրաստան կայացել է 2017թ-ի սեպտեմբերին։

Ըստ թեմայի

Ավագյանի հուշարձանը և գազի սակագինը․ Թբիլիսին Բաքվի այլընտրանք է փնտրո՞ւմ
Ցորենը վերադարձնել ռելսերի վրա, քանի դեռ Բենդեր–Աբասը պատժամիջոցների տակ է
«Մաքոքային դիվանագիտությու՞ն». ինչո՞ւ Թբիլիսին պաշտպանության նախարարին ուղարկեց Երևան
Հայաստանն առաջ է անցել Վրաստանից. ինչո՞ւ է մեր երկիրը էժան ուղղությունների հնգյակում
Որովհետև սիրում է ծովը. տանկերի ապագա կին նավապետը երազում է գալ Հայաստան
Գազի կովկասյան զարկերակը կանցնի՞ Հայաստանով. Երևանը կարող է փոխարինել Բաքվին, եթե...
թեգերը:
ՀՀ Ազգային ժողով, Տավուշ, Հայաստան, Նիկոլ Փաշինյան, Վրաստանի Հանրապետություն

Գլխավոր թեմաներ