15:38 08 ապրիլի 2020
Ուղիղ եթեր
  • USD499.37
  • GBP614.92
  • EUR543.06
  • RUB6.62
Տարածաշրջան
Ստանալ կարճ հղումը
Sputnik Արմենիան` արևմտահայերենով (229)
21210

Չորս տարուան դադարէն ետք, երէկ Հայաստանէն եկած խումբի մը հետ կրցանք Սուրբ Կիրակոս եկեղեցի մտնել: Վերջապէս եկեղեցւոյ վերանորոգումը սկսած էր: Եւ չորս տարուան դադարէն ետք կրկին կրցանք մոմ վառել ու աղօթք ընել այնտեղ:

ԵՐԵՒԱՆ, 29 մայիսի-Sputnik. Քիւրտ  զինեալներու եւ թրքական բանակի միջեւ բախումներու կիզակէտին` Կեաւուր թաղամասին մէջ, գտնուող Սուրբ Կիրակոս եկեղեցին 2015-ի գնդակոծումներու պատճառով մեծ վնասներ կրած է: 2011-ին  վերանորոգուած    եկեղեցին  դարձալ աւերուած է:  Բախումներու պատճառով, 2015-էն սկսած, Կեաւուր թաղի մուտքը արգիլուած է: Այստեղ գտնուելու պատճառով արգիլուած է    նաեւ  մուտքը Սուրբ Կիրակոս  եկեղեցի: Ի հարկէ թաղամասին մէջ գտնուող այլ եկեղեցիներ (Սուրբ Գէորգ հայկական կաթողիկէ եկեղեցի, Սուրբ Փրկիչ հայկական աւետարանական  եկեղեցի, Սուրբ Աստուածածին ասորական եկեղեցի) մուտքը եւս արգիլուած է: Akunq.net-ի հաղորդմամբ՝ կը գրէ Կարօտ Սասունեան:

1915-էն սկսած` տեղի հայկական համայնքը կործանելու համար եկեղեցին, որպէս  թրքական եւ գերմանական միացեալ ուժերու պահեստ ու ռազմակայան օգտագործուած էր: Որոշ ժամանակ անց, կրկին Տիարպեքիրի եւ շրջակայ  քաղաքներու` Ցեղասպանութենէն փրկուած հայերէն համայնք ձեւաւորելու  նպատակով սոյն եկեղեցին վերանորոգուած էր եւ նորէն սկսած էր գործելու:

1980-ականներուն Տիրապեքիրի մէջ ապրող հայերը, ռազմական ճնշումներու պատճառով,  կրկին ստիպուած եղան արտագաղթելու: Այս ժամանակներէն սկսած`  անտարբերութեան մատնուած եկեղեցին կրկին վերանորոգուեցաւ 2011-ին` Սփիւռքի հայերու եւ Կոստանդնուպոլսոյ Հայոց պատրիարքարանի աջակցութեամբ: Սակայն եկեղեցական արարողութիւնները այստեղ  արգիլուած էին: Միայն տարին մէկ անգամ,  Սուրբ Զատիկի տօնին ոչ պաշտօնապէս պատարագ կը մատուցուէր:

2015-ին  Սուրբ Զատկուան տօնէն անմիջապէս ետք քիւրտ եւ թուրք զինեալներու  միջեւ սկսած բախումներու, գնդակոծման եւ հրդեհի  պատճառով եկեղեցին մեծ վնասներ կրեց եւ աւերուեցաւ: 2015-էն ետք թրքական պետութիւնը, Սուր շրջանի  քանի մը թաղամասեր  մուտքը արգիլելով,  մօտաւորապէս  3500-4000 տուներ եւ աշխատավայրեր պետականացուց, այսինքն՝  պետութեան սեփականութիւնը դարձուց:

Անոնց շարքին էր նաեւ Սուրբ Կիրակոս եկեղեցին: Միայն եկեղեցւոյ Ղեկավար  խորհուրդի եւ Կոստանդնուպոլսոյ Հայոց պատրիարքարանի ջանքերուն շնորհիւ եկեղեցին կրկին վերադարձուեցաւ Ղեկավար խորհուրդին: Կատարուած ջանքերուն շնորհիւ թրքական պետութիւնը հանդէս եկաւ եկեղեցին վերանորոգելու մասին յայտարարութեամբ: Սակայն վերանորոգման ուղղութեամբ առ այսօր ոչ մէկ քայլ ձեռնարկուած էր:

Չորս  տարուան դադարէն ետք, երէկ Հայաստանէն եկած խումբի մը հետ կրցանք Սուրբ Կիրակոս եկեղեցի  մտնել: Վերջապէս եկեղեցւոյ վերանորոգումը սկսած էր:  Եւ չորս տարուան դադարէն ետք կրկին կրցանք մոմ վառել ու աղօթք ընել այնտեղ:

Նման իրադարձութեան համընկնումը 1918-ի Մայիս 28-ին ստեղծուած Հայաստանի Առաջին Հանրապետութեան 101-ամեակին հետ մեզ ուրախացուց:  Այդ առթիւ կը շնորհաւորեմ մեր Հայաստանի Առաջին Հանրապետութեան  հիմնադրման տարեդարձը:

թեմա:
Sputnik Արմենիան` արևմտահայերենով (229)

Ըստ թեմայի

Արսենալի Պաքուի մէջ քոչարի պարելէն աւելի ազդեցիկ է Սոքրատիսի իրական` «Missing you bro»–ն
Ինչու Մոսեսովը չենթարկուեցաւ զօրավար Նազարբէկեանի հրամանին, եւ ինչու անոր միացաւ Նժդեհը
Ամօթի ու վախի արանքին մէջ. ինչո՞ւ  ծնողներն ու երեխաները կը լռեն սեռական բռնութեան մասին
Թրքական դրուագաշարին մէջ հայը կը ներկայացուի որպէս ստոր եւ դաւաճան մարդ
թեգերը:
Հայ Առաքելական Եկեղեցի

Գլխավոր թեմաներ