ԵՐԵՒԱՆ, 13 յունիսի — Sputnik. Պատասխանատուները ամօթ չունին, բայց ես ամչցայ այս երկրի փոխարէն: Այսպէս գրած է Twitter–ի իր էջին վրայ Թուրքիոյ խորհրդարանի հայ պատգամաւոր Կարօ Փայլան` անդրադառնալով Սթանպուլի Սամաթիա թաղամասին մէջ հայաստանցի կնոջ դանակահարման դէպքին:
«Սամաթիա թաղամասին մէջ մայիս 31–ին հայ կինը ատելութեան հողի վրայ յարձակման ենթարկուած է: Կասկածեալները դեռ չեն ձերբակալուած: Երէկ իմ այցելութեանս ժամանակ, անոնց ընտանիքն ըսաւ, որ որոշած են լքել երկիրը: Չկրցայ ըսել` մի երթաք: Պատասխանատուները ամօթ չունին, բայց ես ամչցայ այս երկրի փոխարէն»,– Twitter–ի իր էջին վրայ գրած է Փայլան:
Յիշեցնենք, որ մայիս 31–ին Սթանպուլի Սամաթիա թաղամասին մէջ դիմակաւորուած անձիք դանակահարած են Հայաստանէն Սթանպուլ տեղափոխուած Արփինէին: Հարեւաններու ահազանգով Արփինէն հիւանդանոց տեղափոխած են եւ օգնութիւն ցուցաբերած:
Samatya’da bir Ermeni kadın 31 Mayıs günü nefret saldırısına maruz kaldı. Failleri hala yakalanmadı.
— Garo Paylan - Կարօ Փայլան (@GaroPaylan) 12 июня 2019 г.
Dünkü ziyaretimde, “ailece ülkeyi terketmeye karar verdiklerini” söylediler.
Gitmeyin diyemedim.
Sorumlular utanmıyor ama, ben ülkem adına bir kez daha utandım.
Յանցագործները հեռանալէ առաջ ըսած են, թէ ասիկա դեռ սկիզբն է:
