16:04 08 ապրիլի 2020
Ուղիղ եթեր
  • USD499.37
  • GBP614.92
  • EUR543.06
  • RUB6.62
Տարածաշրջան
Ստանալ կարճ հղումը
1088 0 0

Վրաստանի պետական բյուջեն կարող է լուրջ վնաս կրել Թբիլիսիում տեղի ունեցած վերջին իրադարձությունների պատճառով։

ԵՐԵՎԱՆ, 23 հունիսի — Sputnik. Վրաստանում տեղի ունեցած իրադարձությունները լուրջ վնաս են հասցնում Ռուսաստանից այս երկիր զբոսաշրջիկների հոսքին։ Ինչպես հաղորդում է Sputnik Մերձավոր արտասահման Telegram ալիքը, ռուսաստանցի զբոսաշրջիկները հիմա զանգվածաբար հրաժարվում են մեկնել Վրաստան։ Դա լուրջ հարված է հանրապետության բյուջեին։ Հունիսի 21-ին Ռուսաստանի նախագահ Վլադիմիր Պուտինը հրամանագիր է ստորագրել ազգային անվտանգություն ապահովելու մասին, որի համաձայն ռուսական ավիաընկերություններին արգելվել է հուլիսի 8-ից թռիչքներ իրականացնել ռուսական տարածքից Վրաստան։

«Իրավիճակից դուրս գալու ելք է գտել Վրաստանի նախկին նախագահ Միխայիլ Սահակաշվիլին։ Նա կոչ է արել ուկրաինացիներին վրացիների հետ համերաշխություն դրսևորել և ռուսաստացիների փոխարեն հանգստանալ Վրաստանում»։ Մեծ հարց է՝ կարձագանքեն արդյո՞ք ուկրաինացիները Սահակաշվիլու կոչին։

Բայց, դատելով Վրաստանի իշխանությունների արձագանքից, զբոսաշրջության ոլորտին հարվածելն իսկապես կարող է զգայուն լինել։ Այլապես անհնար է բացատրել այդ երկրի նախագահ Սալոմե Զուրաբիշվիլու հայտարարությունը։ Նա կարծում է, որ ռուսաստանցի զբոսաշրջիկները պետք է հնարավորություն ունենան մեկնելու Վրաստան՝ չնայած Մոսկվայի և Թբիլիսիի միջև քաղաքական խնդիրներին։

Ի դեպ, Զուրաբիշվիլու խոսքերը հազիվ թե կարող են լուծել զբոսաշրջային հոսքի խնդիրը։ Ինչպես ավելի վաղ հայտարարել է Ռոստուրիզմի ղեկավար Զարինա Դոգուզովան, Ռուսաստանից Վրաստան զբոսաշրջիկների հոսքը կարող է կրճատվել է 60-70 տոկոսով։ Գերատեսչության գնահատականներով՝ ինքնաթիռով ճանապարհորդող զբոսաշրջիկների բաժինը կազմել է ընդհանուր ծավալի 70-75 տոկոսը։

Հունիսի 20-ին Թբիլիսիում անկարգություններ էին սկսվել. ընդդիմադիրները բողոքի ցույց էին կազմակերպել այն բանից հետո, երբ նույն օրն առավոտյան Վրաստանի խորհրդարանի խոսնակի աթոռին նստել էր ՌԴ պետդումայի պատգամավոր, Կոմկուսի անդամ Սերգեյ Գավրիլովը։

Նա Թբիլիսի էր մեկնել Ուղղափառության միջխորհրդարանական վեհաժողովի 26–րդ նստաշրջանի մասնակցելու համար, բայց միջոցառումը տապալվել էր։ Ընդդիմությունը Վրաստանի իշխանությանը մեղադրել էր «հայրենիքը դավաճանելու» մեջ։ Թբիլիսիում ընդդիմության ցույցն անկարգությունների էր վերածվել: Վերջին տվյալներով՝ մոտ 240 մարդ տուժել է, 300-ից ավելի մարդ՝ բերման ենթարկվել:

Ըստ թեմայի

Հայաստանն ու Ադրբեջանը կշահե՞ն. թե՞... Ինչ հետևանք կունենա Պուտինի հրամանագիրը
Թբիլիսիում հարձակվել են «Ռոսիա 24»–ի նկարահանող խմբի վրա
Պուտինի հրամանից հետո Հայաստանը պատրաստ է Վրաստանի փոխարեն հավելյալ չվերթեր ընդունել ՌԴ–ից
«Աերոֆլոտն» առաջարկում է Թբիլիսին փոխարինել Երևանով և Վլադիկավկազով
Պեսկովն ասել է, թե Ռուսաստանը որ դեպքում կչեղարկի Վրաստան մեկնելու արգելքը
թեգերը:
Զբոսաշրջիկ, Ռուսաստան, Վրաստանի Հանրապետություն

Գլխավոր թեմաներ