01:05 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Վրաստանի ոստիկանություն

Մահացածներից 2–ը երեխաներ են. նոր մանրամասներ` Վրաստանում տեղի ունեցած ավտովթարից

© Sputnik / Alexander Imedashvili
Տարածաշրջան
Ստանալ կարճ հղումը
Վթար, պատահար, սպանություն, գողություն (1821)
1134 0 0

Քարելիի ԲԿ-ում գտնվող վիրավորների առողջական վիճակը գնահատվել է ծանր, վերջիններս նույնպես տեղափոխվել են Թբիլիսի քաղաքի ԲԿ-ներ:

ԵՐԵՎԱՆ, 7 հուլիսի – Sputnik. Վրաստանում տեղի ունեցած ավտովթարի հետևանքով մահացածներից 2–ը անչափահաս են` 7 և 15 տարեկան, երրորդը` 42 տարեկան է։

Վթարված մեքենան «Mercedes A Class» է։ Մեքենայում եղել է 8 մարդ, այսինքն` 3-ով ավելի, քան թույլատրված է։ Այս մասին Facebook-ի իր էջում գրել է Առողջապահության նախարար Արմեն Թորոսյանը։

«Սահմռկեցուցիչ տեղեկատվություն պետք է տամ, թեկուզ` նախնական։ Մեքենայում եղել է 8 հոգի, այսինքն` 3-ով ավելի, քան թույլատրված է: Նրանցից երկուսը, նախնական տվյալներով, երթևեկել են բեռնախցիկում։ Ճամփորդությունը եղել է գիշերով, և վարորդը քնել է ղեկին՝ հարվածելով ճանապարհի բետոնե պատնեշներին։ Չգիտեմ նույնիսկ ինչ կոչ անեմ մեր վարորդներին։ Մտածում եմ, հավանաբար, բոլոր վարորդական իրավունքները պետք է չեղարկել և նորից շատ խիստ քննություն վերցնել»,-մեքենայի լուսանկարին կից գրել է նախարարը:

Արտակարգ իրավիճակների նախարարությունից էլ հայտնում են, որ բժշկական կենտրոններից ստացված նախնական տեղեկության համաձայն՝ Մ.Մ.-ն (31 տ.) գտնվում է Գորիի ԲԿ-ում, որտեղ բժիշկները տուժածի առողջական վիճակը գնահատել են միջին ծանրության, իսկ Լ.Մ.-ն և Մ.Մ.-ն տեղափոխվել են Թբիլիսի քաղաքի ԲԿ-ներ, որտեղ նրանց առողջական վիճակը գնահատվել է ծանր: Քարելիի ԲԿ-ում գտնվող Ա.Մ.-ի և Ռ.Մ.-ի առողջական վիճակը գնահատվել է ծանր, վերջիններս նույնպես տեղափոխվել են Թբիլիսի քաղաքի ԲԿ-ներ:

Ինչպես տեղեկացնում են Վրաստանում ՀՀ դեսպանությունից, դիվանագետները` դեսպան Ռուբեն Սադոյանի գլխավորությամբ, տեսակցել և զրուցել են ավտովթարից տուժածների հետ։ Բժիշկների փոխանցմամբ՝ նրանց վիճակը կայուն է, և կյանքին որևէ վտանգ չի սպառնում։

Հիշեցնենք, որ հուլիսի 7-ին, ժամը 08:10-ին Վրաստանի ՆԳՆ ԱԻ դեպարտամենտից տեղեկություն է ստացվել, որ ժամը 06։00-ի սահմաններում Թբիլիսի-Սենակ-Լեսելիձե ավտոճանապարհի 100-րդ կմ-ին «Mercedes» մակնիշի ավտոմեքենան (վարորդ՝ Ա.Մ., 43 տարեկան) բախվել է արգելապատնեշին և բռնկվել։

թեմա:
Վթար, պատահար, սպանություն, գողություն (1821)

Ըստ թեմայի

Արման Կիրակոսյանը մահացավ. ՀՀ նախագահը կորցրեց վաղեմի ընկերոջը
Բենզատար մեքենայի պայթյուն Սվերդլովսկի շրջանում․ չորս զբոսաշրջիկ մահացել են
«Ցնցված եմ Արարատում տեղի ունեցած ողբերգական ավտովթարից». Փաշինյանը ցավակցել է
թեգերը:
Արսեն Թորոսյան, Զոհ, Վիրավոր, հիվանդանոց, հայ, ավտոմեքենա, ավտովթար, Վրաստանի Հանրապետություն

Գլխավոր թեմաներ