06:03 20 օգոստոսի 2019
Ուղիղ եթեր
  • USD475.91
  • GBP576.71
  • EUR528.16
  • RUB7.12
Գեորգի Գաբունիա

Պուտինին հայհոյելու համար «Ռուսթավի 2» հեռուստահաղորդավարին հեռացրել են աշխատանքից

© photo: Giorgi Gabunia
Տարածաշրջան
Ստանալ կարճ հղումը
210 0 0

Երկու ամսով Գեորգի Գաբունիայի լիազորությունները ամբողջությամբ դադարեցվել են։

ԵՐԵՎԱՆ, 8 հուլիսի — Sputnik. «Ռուսթավի 2»–ի հաղորդավար Գեորգի Գաբունիան հեռուստաալիքի հանձնաժողովի որոշմամբ երկու ամսով հեռացվել են աշխատանքից, հայտնում է Sputnik Գրուզիան` հղում անելով Rustavi 2–ին։

Վրաստանը երեկ պարզապես ցնցել էր «Հետգրություն» հաղորդման կիրակնօրյա եթերը. այն սկսվեց հաղորդավարի ներածական խոսքով. նա բավական կեղտոտ ձևով վիրավորեց Ռուսաստանի նախագահ Վլադիմիր Պուտինին և նրա հանգուցյալ ծնողներին` անպարկեշտ խոսքեր օգտագործելով։ Գեորգի Գաբունիան հայհոյում էր ռուսերենով ուղիղ եթերում շուրջ 1.5 րոպե։

«Ինքնակարգավորող հանձնաժողովի որոշմամբ` Գեորգի Գաբունիայի լիազորություններն ամբողջությամբ դադարեցվել են երկու ամսով։ Այս սահմանափակումը վերաբերում է բոլոր հաղորդումներին, որոնք նա պատրաստում կամ վարում է», – գրված է հաղորդագրության մեջ։

Ընդ որում, հեռուստաալիքն ընդգծում է, որ հեղինակի հաղորդման տեքստի ներածական խոսքը հանձնաժողովն իր նախաձեռնությամբ է ուսումնասիրել։

Լրագրողի վարքը զայրացրել էր սոցցանցի, հանրության և քաղաքական գործիչների վրացական սեգմետնին։ Վրաստանի իշխանությունները կտրուկ են արտահայտվել «Ռուսթավի 2»-ի եթերի մասին։ Վրաստանի վարչապետ Մամուկա Բախտաձեն Գաբունիայի արտահայտությունները սադրանք և երկրում իրավիճակն ապակայունացնելու փորձ է անվանել։ Միևնույն ժամանակ հեռուստաալիքի շենքի մոտ տարերային բողոքի ակցիա էր կազմակերպվել։ Հավաքվածները պահանջում էին, որ Գեորգի Գաբունիան և հեռուստաալիքի գլխավոր տնօրեն Նիկա Գվարամիան ներողություն խնդրեն։ Բացի այդ, նրանք հայտարարում էին, որ Գվարամիան և Գաբունիան պետք է լքեն հեռուստաալիքը և կանգնեն դատարանի առաջ։

«Խստորեն դատապարտում ենք «Ռուսթավի 2» հեռուստաալիքի հաղորդավարի արարքը». Դմիտրի Պեսկով

Բողոքի ակցիայի ֆոնին հեռուստաալիքի ղեկավարությունը որոշել էր գիշերը դադարեցնել եթերը և իշխանությունից պահանջել ապահովել աշխատակիցների անվտանգությունը։ «Ռուսթավի 2»–ի տնօրինությունը, ներողություն հայցելով իր հաղորդավարի վարքի համար, միևնույն ժամանակ հայտարարել էր, որ «հեռուստաընկերության հետ հաշվեհարդար տեսնելու իրական վտանգ» կա, և իշխանությանը մեղադրել խոսքի ազատությունը սահմանափակելու մեջ։

 

Ըստ թեմայի

Հարձակվել են «Էխո Մոսկվի» ռադիոկայանի հաղորդավարի վրա և վնասել նրա կոկորդը
«Խստորեն դատապարտում ենք «Ռուսթավի 2» հեռուստաալիքի հաղորդավարի արարքը». Դմիտրի Պեսկով
Ռուսաստանցիները չեղարկում են ամրագրումները Վրաստանի հյուրանոցներում
թեգերը:
Վլադիմիր Պուտին, աշխատանք, Հեռուստատեսություն, Վրաստանի Հանրապետություն

Գլխավոր թեմաներ