09:58 18 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
«Ռուսթավի 2» հեռուստաալիքի խոսափողը

Վրացական ընդդիմադիր «Ռուսթավի 2» հեռուստաալիքը հապշտապ վաճառքի է հանվել

© Sputnik / Alexander Imedashvili
Տարածաշրջան
Ստանալ կարճ հղումը
78 0 0

Կիբար Խալվաշին «Ռուսթավի 2-ը» չի տա «ոչ պաշտոնական սեփականատեր և կառավարիչ» Միխեիլ Սաակաշվիլուն։

ԵՐԵՎԱՆ, 12 օգոստոսի - Sputnik. Վրացական «Ռուսթավի 2» հեռուստաալիքի սեփականատեր Կիբար Խալվաշին մտադիր է աճուրդով վաճառել ընկերության բաժնեմասերի 100 տոկոսը, հաղորդում է Sputnik Գրուզիան` հղում անելով ընկերության հայտարարությանը։

Խալվաշին հեռուստաընկերությունը վերադարձրել է հուլիսի 18-ին, Մարդու իրավունքների եվրոպական դատարանի որոշման հիման վրա։ Դրանից անմիջապես հետո նա ընկերության գլխավոր տնօրենի պաշտոնից ազատել է Նիկա Գվարամիային, որը, Խալվաշիի կարծիքով, «Ռուսթավի 2–ն» օգտագործել է բացառապես որպես քաղաքական գործիք։

«Ցավոք, ֆինանսական հնարավորությունները բավարար չեն ընկերությունը խորը ճգնաժամից դուրս բերելու համար։ Որոշել եմ թափանցիկ մրցույթի ճանապարհով վաճառել «Ռուսթավի 2-ը» նրան, ով կվճարի ամենաբարձր գինը։ Հաշվի առնելով այն, որ ընկերությունը սուր ֆինանսական ճգնաժամի առաջ է կանգնած, մրցույթը պետք է ավարտվի մեկ շաբաթվա ընթացքում»,-գրել է Խալվաշին։

Քաղաքական շահարկումներից խուսափելու համար Խալվաշին պատրաստ է գործ ունենալ միայն այն գնորդների հետ, որոնք կհաստատեն իրենց մտադրությունների լրջությունը՝ 1 միլիոն դոլար կփոխանցեն հատուկ մրցութային հաշվին։

Նա նշել է, որ «Ռուսթավի 2–ը» հայտնվել է ֆինանսական աղետի եզրին նախկին գլխավոր տնօրեն Նիկա Գվարամիայի մեղքով. ընկերության վարկային պարտավորվածությունը հասնում է 70 միլիոն լարիի (մոտավորապես 24 միլիոն դոլար)։ Գործարարը պնդում է, որ Գվարամիան հնարավոր ամեն ինչ արել է ընկերությանը վնաս հասցնելու համար։

Միաժամանակ նա նշել է, որ չի պատրաստվում հեռուստաընկերությունը վաճառել «Ռուսթավի 2–ի» «ոչ պաշտոնական սեփականատեր և կառավարիչ» Միխեիլ Սաակաշվիլուն։

Թբիլիսիում հարձակվել են «Ռուսթավի 2» հեռուստաընկերության աշխատակիցների վրա. կա վիրավոր

Ըստ թեմայի

ՌԴ ԱԳՆ–ն դատապարտել է «Ռուսթավի 2» հեռուստաընկերության եթերում տեղի ունեցածը
«Մեծ պատիվ կլինի». Պուտինը` «Ռուսթավի 2»–ի լրագրողի դեմ քրեական գործ հարուցելու մասին
Աշխատանքից ազատվել է վրացական «Ռուսթավի 2» հեռուստաալիքի գլխավոր տնօրենը
թեգերը:
Հեռուստատեսություն, «Ռուսթավի–2»

Գլխավոր թեմաներ