09:40 23 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Նինո Բուրջանաձե

Ռուսաստանցի զբոսաշրջիկների Վրաստան չգալը մեծ վնաս է տվել. Բուրջանաձեն բացել է փակագծերը

© Sputnik /
Տարածաշրջան
Ստանալ կարճ հղումը
123 0 0

Բուրջանաձեի խոսքով` 60 մլն դոլարը շատ փոքր թիվ է, բոլոր փորձագետները խոսում էին 10 անգամ ավելի մեծ վնասի մասին։

ԵՐԵՎԱՆ, 14 օգոստոսի — Sputnik. Զբոսաշրջային ոլորտում ֆինանսական կորուստների մասին Վրաստանի իշխանությունների հրապարակած թիվը 10 անգամ փոքր է իրական թվից։ Ինչպես հայտնում է ՌԻԱ Նովոստին, այս մասին НСН–ի եթերում հայտարարել է Վրաստանի խորհրդարանի նախկին խոսնակ, «Ժողովրդավարական շարժման» ընդդիմադիր առաջնորդ Նինո Բուրջանաձեն` մեկնաբանելով Վրաստանի վարչապետ Մամուկա Բախտաձեի հայտարարությունը։

Օգոստոսի 12-ին Վրաստանի վարչապետ Մամուկա Բախտաձեն հայտարարել էր, որ Ռուսաստանից թռիչքների արգելման պատճառով զբոսաշրջության ոլորտը տուժել է մոտավորապես 60 մլն դոլարով։ Սա հունիսի վերջին տվյալներն են։

«60 մլն–ն իմ կարծիքով, շատ նվազեցրած թիվ է։ Բոլոր փորձագետները խոսում էին 10 անգամ ավելի մեծ վնասի մասին, մոտավորապես 700 մլն–ի։ Միայն թռիչքների դադարեցման մասին հայտարարությունը լարիի պատմական անկում է առաջացրել, այն գրեթե 1:3 հարաբերակցության է հասել դոլարի նկատմամբ», – հայտարարել է Բուրջանաձեն։

Վրաստանում շնորհակալ են Հայաստանին. ինչպես են շաղկապվել քաղաքականությունն ու հանգիստը

Հիշեցնենք, որ հունիսի 20-ին ընդդիմադիրները բողոքի ցույց էին կազմակերպել Թբիլիսում այն բանից հետո, երբ նույն օրն առավոտյան Վրաստանի խորհրդարանի խոսնակի աթոռին նստել էր ՌԴ պետդումայի պատգամավոր, Կոմկուսի անդամ Սերգեյ Գավրիլովը։ Նա Թբիլիսի էր մեկնել Ուղղափառության միջխորհրդարանական վեհաժողովի 26–րդ նստաշրջանին մասնակցելու համար, բայց միջոցառումը տապալվել էր։ Ընդդիմությունը Վրաստանի իշխանությանը մեղադրել էր «հայրենիքը դավաճանելու» մեջ։ Ընդդիմության ցույցն անկարգությունների էր վերածվել: Վերջին տվյալներով՝ մոտ 240 մարդ տուժել է, 300-ից ավելի մարդ՝ բերման ենթարկվել:

Ի պատասխան Թբիլիսիում տեղի ունեցող իրադարձությունների հունիսի 21-ին ՌԴ նախագահ Վլադիմիր Պուտինը հրաման էր ստորագրել հուլիսի 8-ից Վրաստանի հետ ավիահաղորդակցությունն արգելելու մասին։

թեգերը:
Ծով, զբոսաշրջություն, Զբոսաշրջիկ, Ռուսաստան, Վրաստանի Հանրապետություն

Գլխավոր թեմաներ