ԵՐԵՎԱՆ, 22 օգոստոսի — Sputnik. Թեհրանը ներկայացրել է «Բավար-373» զենիթահրթիռային համալիրը, որը Իրանում ավելի զարգացած համակարգ է համարվում, քան C-300–ը։
Դա արել է Իրանի նախագահ Հասան Ռոհանին պաշտպանական արդյունաբերության օրվա կապակցությամբ, հաղորդվում է նախագահի կայքում։
Իրանի պաշտպանության նախարար Ամիր Հաթամին ավելի վաղ ասել է, որ պաշտոնական ներկայացումից հետո համալիրը կփոխանցվի Իրանի բանակի հակաօդային պաշտպանության ուժերին։
Համալիրը փորձարկումներ է անցել 2017թ–ին։ «Բավար-373» ԶՀՀ–ը մշակվել և ամբողջությամբ նախագծվել է Իրանում, իրանական զինվորականները նշել են, որ համալիրն իրենից ներկայացնում է C-300–ի համեմատ ավելի առաջադեմ համակարգ, որը կարող է մրցել ռուսական զենիթահրթիռային համալիրների հետ։
«Լրտեսական խաղեր» Հայաստանում. Իրանն ու ԱՄՆ–ն պայքարում են չեզոք տարածքում
Իրանական ԶԼՄ–ների տվյալներով` ուղղահայաց գործարկման սարքով զենիթահրթիռային համալիրը հագեցած է «Սայադ-4» հրթիռներով և կարող է խոցել տարբեր օդային թիրախներ, այդ թվում` կործանիչներ, «անտեսանելի ինքնաթիռներ», անօդաչու թռչող սարքեր, թևավոր և բալիստիկ հրթռիներ` 27 կիլոմետր բարձրության և 200 կիլոմետր հեռավորության վրա։
