17:19 08 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
Վերին Լարս

Բեռնափոխադրողներն ահազանգում են. Վերին Լարսում մեքենաների հերթը հասել է Պյատիգորսկ

© Sputnik / Alex Shlamov
Տարածաշրջան
Ստանալ կարճ հղումը
73 0 0

Ռուս– վրացական սահմանին առաջացած խնդիրը, ՀՀ էկոնոմիկայի նախարարության մեկնաբանմամբ, տեխնիկական է։ Վարորդները խախտում են սահմանված նորմերը։

ԵՐԵՎԱՆ, 23 սեպտեմբերի — Sputnik. Վերին Լարսի անցակետում առաջացած հերթերի պատճառը ոչ թե Հայաստանից արտահանվող, այլ Ռուսաստանից դեպի Հայաստան ու այլ երկրներ արտահանվող բեռներն են։

Այս մասին Sputnik Արմենիային հայտնեց Էկոնոմիկայի նախարարի մամուլի քարտուղար Աննա Օհանյանը։

Բանն այն է, որ բեռնափոխադրումներ իրականացնողները խախտում են տեխնիկական կանոնակարգերն ու ավտոմեքենաները թույլատրելիից ավելին են բեռնում` խախտելով ՌԴ կառավարության որոշմամբ սահմանված նորմերը։

«Խնդիրը հիմնականում բեռների՝ սռնիների ծանրաբեռնվածության սահմանված նորմաներին անհամապատասխանությունն է»,– ասաց Աննա Օհանյանը։

Անդրադառնալով անցակետում կիրառվող տուգանքների մասին ահազանգերին` մեր զրուցակիցը հայտնեց, որ դրանց չափերը կախված են գերծանրաբեռնվածությունից։

Նշենք, որ տեխնիկական նորմերի խախտումը բացահայտվել է Ռուսաստանի մաքսային ծառայության կողմից։ Բեռնափոխադրող ավտոմեքենաների հերթերը ևս այս պահին հիմնականում Ռուսաստանի տարածքում են։

ՀՀ էկոնոմիկայի նախարարությունն, Աննա Օհանյանի խոսքով, խնդիրն ուշադրության կենտրոնում է պահում և կապի մեջ է Վերին Լարսի անցակետի գործընկերների հետ։

«Վերին Լարսի անցակետի գործընկերները նշում են, որ խնդիրն առկա է ոչ միայն հայ վարորդների մոտ և վստահեցնում են, որ հերթում կան ոչ միայն հայաստանյան, այլև այլ երկրներից բեռներ փոխադրող ավտոմեքենաներ»,– ասաց Օհանյանը։

Ինչ վերաբերում է Հայաստանից արտահանվող բեռներին, դրանք Վերին Լարսի անցակետում հնարավոր խնդիրներից նախապես ապահովագրելու համար, Աննա Օհանյանի խոսքով, ՀՀ էկոնոմիկայի նախարարությունը դիտարկում է Հայաստանից արտահանվող բեռների համապատասխանությունը սռնիների ծանրաբեռնվածության նորմաներին Հայաստանի սահմանին նախապես ստուգելու տարբերակը։

Նշենք, որ մամուլում տեղեկություններ են հայտնվել այն մասին, որ բեռնափոխադրողների հերթը Վերին Լարսից հասել է մինչև ՌԴ Պյատիգորսկ քաղաքի մոտ։

Հերթում կանգնած հայ վարորդները պնդում են, որ ՌԴ մաքսավորները 100 - 300 հազար ռուբլի անհիմն տուգանքներ են կիրառում։ Ահազանգած վարորդները նշում են, որ արդեն շուրջ 10 օր սպասում են սահմանը հատելու իրենց հերթին, իսկ այդ ընթացքում ստիպված են կայանատեղիի համար օրական 500 ռուբլի վճարել։

Ըստ թեմայի

Վրաստանում գտել են «Վերին Լարսի» խնդրի լուծումը. ի՞նչ կտա դա Հայաստանի փոխադրողներին
Լույս թունելի վերջում, կամ ինչու «Վերին Լարսի» խնդիրը անհնար է լուծել առանց Վրաստանի
Ոսկանյան. «Իրանական ուղղությունը կարող է այլընտրանք լինել Վերին Լարսի անցակետին, եթե...»
թեգերը:
բեռնատար, Ռուսաստան, Վրաստանի Հանրապետություն, Հայաստան, Լարս, Վերին Լարս

Գլխավոր թեմաներ