17:58 13 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Թբիլիսիում մի քանի հազար ցուցարարներ բողոքի ակցիա են իրականացնում

Թբիլիսիում մի քանի հազար ցուցարարներ բողոքի ակցիա են իրականացնում. լուսանկարներ

© Sputnik / Владимир Умикашвили
Տարածաշրջան
Ստանալ կարճ հղումը
168 0 0

Այս հավաքը, որ կրում է «Բոլորն ընդդեմ մեկի» անունը, աննախադեպ է նրանով, որ մի շարքում է հավաքել բոլոր այն ուժերին, որոնք տարիներ շարունակ տարբեր քաղաքական հայացքներ են ունեցել։

ԵՐԵՎԱՆ, 17 նոյեմբերի — Sputnik. Թբիլիսիում այսօր մի քանի հազար ցուցարարներ բողոքի ակցիա են իրականացնում Ռուսթավելի պողոտայում՝ խորհրդարանի շենքի մոտ` պահանջելով համամասնական համակարգով արտահերթ խորհրդարանական ընտրություններ անցկացնել: Ինչպես տեղեկացնում է Sputnik Գրուզիան, բողոքի ակցիայի մասնակիցները շրջափակել են խորհրդարանի շենքը։

Ռուսթավելի պողոտան շարունակում է փակ մնալ: Այնտեղ հինգշաբթի օրվանից վրաններ են տեղակայված, որտեղ ցուցարարները գիշերում են, խարույկներ վառում երկաթե տակառներում: Հանրահավաքի անցկացման վայրում ուժեղացվել է անվտանգության հսկողությունը: 

Երկրի ոստիկանությունը հիշեցրել է ցուցարարներին, որ ըստ Վրաստանի հավաքների մասին օրենքի՝ արգելվում է արգելափակել պետական գերատեսչությունների մուտքերն ու խոչընդոտել դրանց գործունեությանը։

«Ոստիկանական ուժերը մոբիլիզացվել են՝ յուրաքանչյուր քաղաքացու ազատ խոսքի արտահայտման իրավունքն ապահովելու և պետական օրգանների աշխատանքն առանց խոչընդոտների ապահովելու համար։ Վրաստանի ներքին գործերի նախարարությունը կպաշտպանի ակցիայի մասնակից յուրաքանչյուր քաղաքացու, եթե ազատության արտահայտումը դուրս չգա օրենքով թույլատրելի սահմաններից», — այս մասին ասված է ՆԳՆ-ի տարածած հայտարարությունում։

Վրաստանում ԱՄՆ դեսպանատունն իր քաղաքացիներին զգուշացրել է վտանգի մասին

Այս պահին խորհրդարանի տարածքում հավաքված են ավելի քան 20 ընդդիմադիր կուսակցությունների համախոհներ։

Акция протеста в столице Грузии против правящих властей (17 ноября 2019). Тбилиси
© Sputnik / Владимир Умикашвили
Թբիլիսիում մի քանի հազար ցուցարարներ բողոքի ակցիա են իրականացնում

Այս հավաքը կրում է «Բոլորն ընդդեմ մեկի» անունը, այն աննախադեպ է նրանով, որ մի շարքում է հավաքել բոլոր այն ուժերին, որոնք տարիներ շարունակ տարբեր քաղաքական հայացքներ են ունեցել։

Акция протеста в столице Грузии против правящих властей (17 ноября 2019). Тбилиси
© Sputnik / Владимир Умикашвили
Թբիլիսիում մի քանի հազար ցուցարարներ բողոքի ակցիա են իրականացնում

 

«Արդեն 16-րդ տարին է, ինչ մենք կանգնած ենք Ռուսթավելի պողոտայում: Իշխանություններից և ոչ մեկը չի հասկացել, որ չի կարելի Վրաստանում ավտորիտար ռեժիմ հաստատել: Այսօր մենք հավաքվել ենք, որովհետև իշխանությունը տապալել է համամասնական համակարգի անցնելու սահմանադրական բարեփոխումը: Մեզ դա խոստացել էին, սակայն 5 ամիս անց իշխանությունը փոշմանել է»,- հայտարարել է «Ժողովրդավարական շարժում՝ միասնական Վրաստան» կուսակցության քաղխորհրդի անդամ Անզոր Բիցաձեն:

«Հայ-վրացական հարաբերությունների զարգացումը պետք է ինտենսիվ շարունակվի». Ջոնի Մելիքյան

Հիշեցնենք, որ Թբիլիսիում, Ռուսթավելի պողոտայում մեկնարկել է լայնամասշտաբ հանրահավաք՝ կառավարության հրաժարականի, ժամանակավոր կառավարություն կազմելու, Կենտրոնական ընտրական հանձնաժողովի լուծարման ու մեծամասնական ընտրակարգով արտահերթ խորհրդարանական ընտրություններ կազմակերպելու պահանջով։

 

Акция протеста в столице Грузии против правящих властей (17 ноября 2019). Тбилиси
© Sputnik / Владимир Умикашвили
Թբիլիսիում մի քանի հազար ցուցարարներ բողոքի ակցիա են իրականացնում

Ըստ թեմայի

Ինչ կմտածի մեկը, եթե նայի նախարարի հրաժարականը պահանջողների բեղերին. Փաշինյանի տեսակետը
ԵՊՀ դասախոսները չեն շտապում` կսպասեն նախարարի վերադարձին. ինչ է առաջարկում փոխնախարարը
Արայիկ Հարությունյանը պատրաստ է աղմկահարույց հարցը քննարկել շահագրգիռ կողմերի հետ
թեգերը:
Ընտրություններ, խորհրդական, Բողոքի ակցիա, Վրաստանի Հանրապետություն, Թբիլիսի

Գլխավոր թեմաներ