06:14 29 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75
Տարածաշրջան
Ստանալ կարճ հղումը
Ղարաբաղյան հակամարտություն (311)
161 0 0

ՌԴ արտգործնախարարը հույս հայտնեց, որ Ղարաբաղյան հակամարտության կարգավորման գործընթացի հետագա խթանման ուղիներ կգտնվեն։

ԵՐԵՎԱՆ, 3 դեկտեմբերի — Sputnik. Ղարաբաղի հարցով փոխզիջումների հասնելու հնարավորություններ կան. Բաքվում ադրբեջանցի գործընկեր Էլմար Մամեդյարովի հետ ճեպազրույցի ընթացքում ասել է ՌԴ արտգործնախարար Սերգեյ Լավրովը։

«Հասկանալի է, որ փոխզիջման հնարավորություններ կան։ Հեշտ գործ չէ, հակամարտությունը նախկին ԽՍՀՄ տարածքում ամենատևականներից մեկն է։ Սակայն մենք երախտապարտ ենք մեր ադրբեջանցի գործընկերներին, որ այն գաղափարները, որոնք Ռուսաստանը առաջ է մղում երկկողմ ասպեկտում և ԵԱՀԿ ՄԽ համանախագահությունում, ըմբռնում են գտնում», – ասել է Լավրովը։

Այսօրվա և երեկվա շփումները, նրա խոսքով, թույլ տվեցին ավելի լավ հասկանալ, թե ինչպես առաջ շարժվել։

«Հույս ունեմ, որ արդյունք կունենանք», – ասել է Լավրովը։

Նախօրեին Ադրբեջանի նախագահ Իլհամ Ալիևի հետ հանդիպման ընթացքում ՌԴ արտգործնախարարը նշել էր, որ հակամարտության երկարաժամկետ կարգավորման հարցում շատ անելիքներ կան։

«Մենք շահագրգռված ենք, որ վստահության միջոցների ներդրման պայմանավորվածությունները, մարդասիրական շփումների հաստատումը, ԶԼՄ–ների ներկայացուցիչների շփումը և այլ պայմանավորվածություններ, որոնք ձեռք են բերվել Վիեննայի գագաթնաժողովում, այնուհետև վերահաստատվել այս տարի Մոսկվայում նախարարներին հանդիպման ժամանակ, կյանքի կոչվեն», – ասել է Լավրովը։

Ադրբեջանի դիրքորոշումը վտանգավոր է նաև ՀԱՊԿ երկրների համար. Փաշինյանը խոսեց ԼՂ խնդրից

Լավրովը նշել է, որ դրանք աստիճանաբար իրականացվում են և հույս հայտնել, որ այս շաբաթ նախատեսված Ադրբեջանի և Հայաստանի արտգործնախարարների հանդիպումը թույլ կտա կոնսոլիդացնել այդ գործընթացները։

Միևնույն ժամանակ, նախարարի խոսքով, քաղաքական, երկարատև կարգավորման առումով դեռ շատ անելիքներ կան, և այստեղ պետք է խուսափել հռետորությունից, որը չի համընկնում երկու երկրների կողմից հաստատված հիմնարար սկզբունքների հետ, սկզբունքներ, որոնք ամրագրված են ՄԱԿ–ի կանոնադրության մեջ և Հելսինկյան եզրափակիչ ակտում։

Հայաստանն ունի իր օրակարգը. Մնացականյանը` Ադրբեջանում ընթացող քաղաքական պրոցեսների մասին

Նշենք, որ Հայաստանի և Ադրբեջանի արտգործնախարարներ Զոհրաբ Մնացականյանն ու Էլմար Մամեդյարովը կհանդիպեն Բրատիսլավայում դեկտեմբերի 4-ին։

թեմա:
Ղարաբաղյան հակամարտություն (311)

Ըստ թեմայի

Նիկոլ Փաշինյանը գրել է Բակո Սահակյանի հետ հանդիպման մանրամասները
Արցախում զինծառայող է մահացել, ևս մեկը վիրավորվել է
ԵԱՀԿ առաքելությունը դիտարկում կանցկացնի Արցախի և Ադրբեջանի սահմանին
թեգերը:
Ադրբեջան, Բաքու, ԵԱՀԿ Մինսկի Խումբ, Արցախ, Հայաստան, Ղարաբաղյան հակամարտություն, Լեռնային Ղարաբաղ, Սերգեյ Լավրով

Գլխավոր թեմաներ