ԵՐԵՎԱՆ, 3 դեկտեմբերի — Sputnik. ՀՀ վարչապետ Նիկոլ Փաշինյանն որոշմամբ դեկտեմբերի 4-7-ը հայկական ևս մեկ պատվիրակություն կմեկնի Բաքու: Այս մասին տեղեկացնում է ՀՀ կառավարության պաշտոնական կայք էջը։
Հայկական պատվիրակության կազմում կլինեն ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը, նույն նախարարության ավտոմոբիլային տրանսպորտի քաղաքականության վարչության տեխնիկական քաղաքականության բաժնի պետ Արման Կարապետյանը և ՀՀ արտաքին գործերի նախարարության բազմակողմ քաղաքականության ու զարգացման համագործակցության վարչության խորհրդական Արտեմ Ազնաուրյանը:
Դեկտեմբերի 4-7-ը Բաքվում տեղի է ունենալու Եվրոպա-Կովկաս-Ասիա միջազգային տրանսպորտային միջանցքի (ՏՐԱՍԵԿԱ) Միջկառավարական հանձնաժողովի 14-րդ նստաշրջանը, ինչպես նաև կառույցի 20-ամյակին նվիրված ժողովը:
Հիշեցնենք, որ նոյեմբերի 17-21-ը տեղի էր ունեցել հայ և ադրբեջանցի լրագրողական խմբերի փոխադարձ այցեր. Հայաստանի և Արցախի զանգվածային լրատվամիջոցների ներկայացուցիչներն այցելել էին Ադրբեջան, իսկ ադրբեջանական ԶԼՄ ներկայացուցիչները՝ Հայաստան և Արցախ:
«Անկասկած կաջակցենք». Զախարովան` հայերին ու ադրբեջանցիներին խաղաղության պատրաստելու մասին
Ավելի վաղ՝ 2017-ի սեպտեմբերի 22-ին, Ադրբեջան էին այցելել ՀՀԿ փոխնախագահ Արմեն Աշոտյանը և պատգամավոր Մանե Թանդիլյանը։ Բաքվում նրանք մասնակցել էին «Եվրանեսթ» խորհրդարանական վեհաժողովի կոնֆերանսին:
