ԵՐԵՎԱՆ, 12 փետրվարի — Sputnik. Թուրքիայում ոստիկանները բերման են ենթարկել հայտնի հայ իրավապաշտպան Արլեթ Նաթալի Ավազյանին։ Տեղեկությունը նա հաղորդել է Twitter իր միկրոբլոգում։
Թուրք ոստիկանները նաև ներխուժել են նրա եղբոր բնակարան և այնտեղ փնտրել իրեն:
Ինչպես տեղեկացնում է ermenihaber.am-ը, հայ իրավապաշտպանը հայտնի է թուրքական իշխանությունների հանդեպ քննադատությամբ։
Ավազյանը իր միկրոբլոգում նաև նշել է, որ վերջին երկու օրը ճնշման խնդիր ունի, և եթե իր առողջականի հետ կապված խնդիրներ ծագեն (օրինակ` մահ, քթից արյունահոսություն), ապա դրանց պատասխանատուն կլինի Թուրքիայի գործող կառավարությունը:
Իրավապաշտպանն այնուհետև գրել է, թե ինչ պատճառ կարող է լինել իր բերման ենթարկվելու համար:
«Մայրս Ադանայից է, հայրս` Մալաթիայից: Քանի որ ես բարձրաձայնել եմ սրա մասին, իմ նկատմամբ հետաքննություն են սկսել»:
Ben ANADOLUYUM. Yüzyıllardır bu topraklarda harmanlanmış bir olma geleneğinin temsilcisiyim. Bir inanca, siyasete, politikaya, ideolojiye bağlı değilim. Ülkemin mozaiğinin elçisiyim. Bugünlerde içim dışım kayıp yaşıyor. Gelecek nesiller kaybolmasın diye kimlik sormadan koşuyorum. https://t.co/TrNHX78KVZ
— Arlet Natali AVAZYAN (@NataliAVAZYAN) January 12, 2020
Հիշեցնենք, որ սա Ավազյանի բերման ենթարկման առաջին դեպքը չի: 2019-ի հոկտեմբերին Ավազյանը կալանավորվել էր իր տանը կատարված խուզարկությունից հետո։ Նրան կանչել էին հարցաքննության, որպեսզի ցուցմունք տար «ահաբեկիչների» հետ իր ենթադրյալ կապի մասին։
Մշակութային վանդալիզմ. թուրք երգչուհին երգում է Անիի Մայր տաճարում. տեսանյութ
Իրավապաշտպանը 2019թ. հոկտեմբերին Twitter-ում գրառում էր կատարել Թուրքիայի արտգործնախարար Մևլութ Չավուշօղլուի մասին։ Նա տեղադրել էր արտգործնախարարի ընտանիքի 1998թ․ լուսանկարը և գրել․ «Նրանք Անթալիայի հարավային շրջանում հայտնի են եղել որպես «քրդական գողեր»»։
Էրդողանն այցելել է խորհրդարանի հայազգի պատգամավոր Մարգար Եսայանին. լուսանկարներ
Նշենք, որ Արլեթ Նաթալի Ավազյանին Twitter-ում հետևում է 135.000 օգտատեր: Նրա կատարած գրառումների թիվն անցնում է 193.000-ը:
