06:05 01 հունիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Տարածաշրջան
Ստանալ կարճ հղումը
182 0 0

Վերջին շրջանում Երևանն ու Թբիլիսին կարողացել են իրենց հարաբերությունները հասցնել որակապես նոր մակարդակի։

ԵՐԵՎԱՆ, 3 մարտի — Sputnik. ՀՀ վարչապետ Նիկոլ Փաշինյանը վրացի իր գործընկերոջ` Գեորգի Գախարիայի հետ հանդիպման ժամանակ Թբիլիսիում ասել է, որ Հայաստանը Վրաստանի հետ  համագործակցությունը տեսնում է ռազմավարական գործընկերության մեջ։

Թբիլիսիի հետ համագործակցության վեկտորը վերանայելու Երևանի մտադրության մասին Փաշինյանն առաջին անգամ հայտնել էր հոկտեմբերի 15-ին` Գեորգի Գախարիայի գլխավորությամբ Վրաստանի պատվիրակության երևանյան այցի ժամանակ։ Ընդլայնված կազմով հանդիպման ընթացքում ՀՀ վարչապետը նշեց, որ Երևանն ուզում է Թբիլիսիի հետ հարաբերությունների զարգացման ռազմավարական հայեցակարգ մշակել։

Նշենք, որ հայեցակարգային փաստաթղթերում Հայաստանն ու Վրաստանը ռազմավարական գործընկերների կարգավիճակ չունեն։

«Մենք մեր հարաբերությունների զարգացումը տեսնում ենք Վրաստանի հետ ռազմավարական գործընկերության մեջ։ Անհնար է գերագնահատել մեր երկրների միջև հարաբերությունների կարևորությունը, երկրներ, որոնք խորը մշակութային, քաղաքական, պատմական, տնտեսական կապեր ունեն»,– ասել է Փաշինյանը։

Հայաստանն ու Վրաստանն ունեն ընդհանուր մարտահրավերներ. Մելիքյանը` Փաշինյանի այցի մասին

Նա նշել է, որ երկու երկրներն ավելի ընդլայնված համագործակցության համար ընդհանուր և տարբեր հարթակներ ունեն։ Սակայն Երևանի համար Վրաստանի և հարևանների հետ հարաբերությունները տարբեր նշանակություն ունեն։

Փաշինյանը կարծում է, որ ժողովրդավարության նկատմամբ երկու երկրների հավատարմությունը ևս մեկ միավորող գործոն է։

Երևանը Թբիլիսիի առանցքն է. ինչով է նշանավոր Վրաստանի պաշտպանության նախարարի այցը

ՀՀ վարչապետի խոսքով` Երևանն ու Թբիլիսին վերջին 1.5 տարում կարողացել են երկկողմ հարաբերությունները որակապես նոր մակարդակի բարձրացնել։ Նա համոզված է, որ այս այցն ու նրա արդյունքները կխորացնեն առկա համագործակցությունը։ Ավելին, վարչապետն ընդգծել է, որ հայ–վրացական բոլոր պայմանավորվածություններն իրականացել են։

Ըստ թեմայի

Փաշինյանը երկու օրով կմեկնի Վրաստան
Վրաստանում կորոնավիրուսով վարակվելու երկրորդ դեպքն է գրանցվել
Ինչպես կփոխվի ներկրողների կյանքը Հայաստանի և Իրանի միջև վիզային ռեժիմ մտցնելուց հետո
թեգերը:
Նիկոլ Փաշինյան, Գեորգի Գախարիա, Վրաստանի Հանրապետություն, Հայաստան

Գլխավոր թեմաներ