06:55 10 ապրիլի 2020
Ուղիղ եթեր
  • USD493.10
  • GBP612.97
  • EUR536.59
  • RUB6.66
Տարածաշրջան
Ստանալ կարճ հղումը
91 0 0

Դոնի Ռոստովում ՀՀ գլխավոր հյուպատոսությունն աշխատանքներ է կատարում ՀՀ քաղաքացիներին սննդով և առաջին անհրաժեշտության պարագաներով ապահովելու համար։

ԵՐԵՎԱՆ, 19 մարտի-Sputnik. ՀՀ ԱԳՆ մամուլի խոսնակ Աննա Նաղդալյանի տեղեկացմամբ՝ ներկայում «Վերին Լարսի» անցակետում գտնվում են մոտ 140 ՀՀ քաղաքացիներ: Դոնի Ռոստովում ՀՀ գլխավոր հյուպատոսությունն աշխատանքներ է կատարում ՀՀ քաղաքացիներին սննդով և առաջին անհրաժեշտության պարագաներով ապահովելու համար։ Տարվող աշխատանքները տեղում համակարգելու համար անցակետ է ժամանել ՀՀ գլխավոր հյուպատոս Վարդան Ասոյանը։

«Հայտնում ենք, որ քաղաքացիների մի մասը, անսալով գլխավոր հյուպատոսի հորդորին, արդեն իսկ նախընտրել է օդային ճանապարհով Հայաստան վերադառնալու տարբերակը»,- նշված է արտգործնախարարության Facebook-ի պաշտոնական էջում տարածած հաղորդագրության մեջ։

Բանակցություններ են տարվում վրաց գործընկերների հետ խնդրի հնարավոր լուծման տարբերակներ գտնելու ուղղությամբ:

Նաղդալյանը կոչ է անում ՀՀ քաղաքացիներին սթափ գնահատել ներկա իրավիճակը, վստահել միայն պաշտոնական լրահոսին և ՀՀ դիվանագիտական ներկայացուցչությունների կողմից տրամադրվող տեղեկատվությանը:

Չինաստանն ավարտել է կորոնավիրուսի բուժման դեղամիջոցի փորձարկումը

Հիշեցնենք, որ ավելի վաղ վրացական Sputnik գործակալությունը՝ վկայակոչելով ԶԼՄ-ներին, հաղորդել էր, որ Վրաստանի քաղաքացիների մեքենաները խցանված են ռուս-վրացական սահմանի «Վերին Լարս» անցակետում: Sputnik Արմենիայի թղթակցի հետ զրույցում ՀՀ արտաքին գործերի նախարարության խոսնակ Աննա Նաղդալյանը նշել էր, որ «Վերին Լարսի» անցակետում (ռուս-վրացական սահման) խցանվածների թվում պետք է, որ ՀՀ քաղաքացիներ չլինեն: Հակառակ դեպքում նրանք պետք է կապ հաստատեն Դոնի Ռոստովում գտնվող Հայաստանի հյուպատոսության հետ:

Հավելենք, որ մարտի 16-ից Վրաստանը փակել է սահմանը Ռուսաստանի հետ կորոնավիրուսի տարածումը կանխելու համար:

Ըստ թեմայի

Հայաստանում կորոնավիրուսով վարակման նոր դեպքեր կան. ընդհանուր թիվը դարձավ 122
Տղամարդիկ 2.5 անգամ ավելի շատ են մահանում կորոնավիրուսից, քան կանայք. Թորոսյան
Բագրատաշենի մաքսակետում կանխվել է 62 կգ արծաթանման զանգվածի ապօրինի ներմուծումը
թեգերը:
ՀՀ Արտաքին գործերի նախարարություն. ԱԳՆ, հայ, Հայաստան, Վրաստանի Հանրապետություն, Վերին Լարս

Գլխավոր թեմաներ