ԵՐԵՎԱՆ, 29 մարտի — Sputnik. Արտակարգ իրավիճակների նախարարությունը տեղեկացնում է, որ մարտի 29-ի ժամը 09:45-ի դրությամբ ՀՀ տարածքում ավտոճանապարհները հիմնականում անցանելի են:
«Արագածոտնի մարզի Ամբերդ ամրոց և Քարի լիճ տանող ավտոճանապարհները դեռ անորոշ ժամանակ փակ կլինեն»,–նշված է հաղորդագրության մեջ։
Ինչ վերաբերում է Ստեփանծմինդա-Լարս ավտոճանապարհին, ապա այն ձնամաքրման ինտենսիվ աշխատանքներից հետո բաց է միայն բեռնատար տրանսպորտային միջոցների համար։
Ի դեպ, օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին։
«Է՜հ». ռուսական հաղորդման հեղինակը հիացմունքով է պատմել Հայաստանի մասին. տեսանյութ
Հիշեցնենք, որ արգելքը պայմանավորված է կորոնավիրուսի տարածման կանխարգելման նպատակով։
Հայաստանում արդեն կորոնավիրուսով վարակվելու 407 դեպք է արձանագրվել, իսկ հարևան Վրաստանում` 90 դեպք։
