14:58 14 հուլիսի 2020
Ուղիղ եթեր
  • USD486.54
  • GBP613.24
  • EUR550.71
  • RUB6.86
Տարածաշրջան
Ստանալ կարճ հղումը
900 0 0

Եզդի պատգամավորն ԱԺ ամբիոնից միջազգային հանրությանը կոչ արեց իրենց ուշադրությունը կենտրոնացնել այդ խնդրի վրա:

ԵՐԵՎԱՆ, 16 հունիսի - Sputnik. ՀՀ ԱԺ ազգությամբ եզդի պատգամավոր Ռուստամ Բաքոյանն այսօր ԱԺ ամբիոնից իր ելույթը ներկայացրեց երկու լեզվով՝ հայերեն ու եզդիերեն՝ հայրենով դիմելով Թուրքիայի կողմից բռնության ենթարկվող իր ազգակիցներին:

«Վերջին շրջանում Թուրքիան ռազմական գործողություններ է իրականացնում Սիրիայի Ափնի շրջանում, որտեղ բազմաթիվ եզդիական գյուղեր կան: Թուրքիան ու Թուրքիային հարող ռազմական ուժերը սպանում են եզդիներին, ավերում եզդիական սրբավայրերն ու ստիպում կրոնափոխ լինել, եզդի աղջիկներին ստիպողաբար ամուսնացնում են մուսուլմանների հետ»,- ասաց նա:

Բաքոյանը հայտնեց նաև, որ անցած գիշեր Իրաքի Սինջարի նահանգում թուրքական կործանիչները ռմբակոծել ու բազմաթիվ հարվածներ են հասցրել Սինջար լեռան ուղղությամբ, որտեղ նույնպես եզդիներ են բնակվում: Զոհերի թիվը, նրա խոսքով, հստակ չէ և այս պահին դեռ ճշտվում է:

Թող նրանք էլ նշեն. ՀՀ–ում ապրող ազգային փոքրամասնությունների համար նոր օրենք ընդունվեց

«Եզդիները շուրջ 6 տարի դիմակայում են ցեղասպանության հետևանքով հարկադիր տեղահանումներին: Շուրջ 6 տարի փախստականների ճամբարներում ապրելուց հետո անցած շաբաթ մոտ 200 եզդի ընտանիք որոշեցին վերադառնալ իրենց բնակավայրեր: Բայց Թուրքիայի կողմից եզդիներին ուղված սպառնալիքը ոչ միայն չի վերանում, այլև ավելի լայնամասշտաբ է դառնում»,- նշեց նա:

Եզդի պատգամավորն ԱԺ ամբիոնից միջազգային հանրությանը կոչ արեց իրենց ուշադրությունը կենտրոնացնել այդ խնդրի վրա ու ապահովել ցեղասպանություն վերապրած եզդիների վերադարձը իրենց հայրենի բնակավայրեր:

ԱՄՆ Պետդեպարտամենտը Ռուսաստանին կոչ է արել «կորչել Մերձավոր Արևելքից»

Ըստ թեմայի

«Ամերիկացիները կարծում են` իրենց հողն է»․ փախած գրոհայինը` Սիրիայի Աթ Թանֆ բազայի մասին
Սիրիայում հայ մասնագետները մայիսին ականազերծել են 17471 քմ տարածք, բուժել 549 տեղաբնակի
Խոշոր ահաբեկչություն սիրիական Աֆրինում․ ԱՄՆ պետքարտուղարը համերաշխության կոչ է արել
Սիրիայում ՀՀ դեսպանությունը հայտնել է` երբ է նախատեսվում Դամասկոս–Երևան չվերթը
թեգերը:
Պատգամավոր, եզդի, Թուրքիա, Սիրիա

Գլխավոր թեմաներ