00:45 19 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Տարածաշրջան
Ստանալ կարճ հղումը
133410

Վրացական կողմը հայտնել է իր տարածքում կանգառի կանոնների մասին, ավելին՝ վարորդներն այդ նպատակով կարող են դիմել համապատասխան մարմիններին, եթե մեքենան անսարք է։

ԵՐԵՎԱՆ, , 25 օգոստոսի – Sputnik. Մոտ 60 օսիացի ու հայ վարորդներ ակցիա են անցկացնում «Վերին Լարս» անցակետի մոտակայքում ռուսական կողմից ու մտադիր են փակել ճանապարհը։ Սակայն հայ վարորդներին համոզել են չմասնակցել ապօրինի գործողություններին։ Sputnik Արմենիայի թղթակցի հետ զրույցում տեղեկությունը հայտնեց Հայաստանի դեսպանատանը կից մաքսային կցորդ Արամ Թանանյանը։

«Վարորդներն ասացին, որ վրացական Ճանապարհային ոստիկանությունը բազմիցս տուգանել է իրենց Վրաստանի տարածքում կայանելու համար։ Նրանց խոսքով՝ առանց հասկանալու մոտ երկու հազարի լարի (մոտ 650 դոլար) տուգանում են»,- ասաց նա։

Վարորդները բողոքում են, որ պատժամիջոցները կիրառվում են եթե նույնիսկ խախտումը կատարվում է օբյեկտիվ պատճառներով։ Օրինակ, եթե մեքենան փչացել է, ու վարորդը պարզապես չի կարող տեղից շարժվել, կամ եթե առողջական խնդիրներ են առաջացել։ Նրանք պնդում են, որ այդ ամենը զանգվածային բնույթ է կրում։

Թանանյանի պարզաբանմամբ՝ օս վարորդները հայերի հետ որոշել են ուշադրություն հրավիրել այդ խնդրի վրա։ Նա նշեց, որ անձամբ հանդիպել է հայ վարորդների հետ ու համոզել, որ չմասնակցեն ապօրինի գործողություններին։

Դեսպանատանը կից մաքսային կցորդի խոսքով՝ ինքը խնդրի մասին արդեն տեղեկացրել է համապատասխան մարմիններին։

Պետք է նշել, որ կորոնավիրուսի համավարակի պատճառով սահմանը փակելու պահից Վրաստանը  տեղափոխության նոր կանոններ է սահմանել բեռնատարների վարորդների համար, որոնք գործում են Վրաստանի տարածքում արտակարգ դրության ռեժիմի ընթացքում։

Մասնավորապես՝ բեռնատարների վարորդները հայ-վրացական սահմանի մաքսային ընթացակարգերն անցնելուց հետո պետք է կանգ չառնելով հասնեն նշանակետին՝ «Վերին Լարս» անցակետ։

Կանգ առնել թույլատրվում է միայն հատուկ հատկացված վայրերում (STOP POINT), ապահովագրություն ձևակերպելու համար սահմանված կետերում, մաքսակետերում գտնվող կայանատեղիներում։

Սահմանված կանգառներում վարորդը կարող է բենզին լիցքավորել, զուգարանից օգտվել քարտ կամ սնունդ գնել։ Առողջական կամ մեքենայի անսարքության հետ կապված խնդիրների դեպքում վարորդը պետք է զանգահարի 112 հեռախոսահամարով։

Բեռնատարը պետք է ժամանման պահից սկսած 24 ժամվա ընթացքում լքի Վրաստանի տարածքը, իսկ եթե մեքենան անցնում է Կազբեգով, ապա թույլատրվում է մինչև 48 մնալ Վրաստանի տարածքում։ Մաքսատանն անցկացրած ժամանակը հաշվի չի առնվում։

Կանոնները խախտելու դեպքում 3 հազար լարի (մոտ հազար ԱՄՆ դոլար) տուգանք է սահմանված։ Բացառություն են կազմում եղանակով պայմանավորված չնախատեսված (օրինակ՝ Կոբ-Գուդաուր հատվածը փակ է, կամ փակ է Լարս տանող ճանապարհը – խմբ) կամ արտակարգ իրավիճակները։

Սահմանված կանոնները խախտելու դեպքում բեռնատարը պետք է անհապաղ հեռանա Վրաստանի տարածքից։ Հակառակ դեպքում վարորդը 14 օրով պետք է կարանտինի մեջ մնա, իսկ տրանսպորտային միջոցը տարհանվի տուգանային հրապարակ։

Նշվում է նաև, որ վարորդները պարտավոր են բժշկական դիմակ ու ձեռնոց դնել, ցանկալի է վճարումներն էլ քարտով անել։

Ըստ թեմայի

Վարորդների վառելիքը վերջանում է․ «Վերին Լարս» անցակետում հսկայական հերթեր են
«Վստահ եմ՝ թիրախը ես էի». Ախալքալաքում փորձել են պայթեցնել Հենզել Մկոյանի եղբոր մեքենան
Վրաստանում օգոստոսի 25-ը հայտարարվել է սգո օր
Դավիթ Անանյանի խորհրդականը նոր պաշտոն ստացավ. աշխատավայրը` Վերին Լարս
թեգերը:
Վերին Լարս, վարորդ, Բողոքի ակցիա, Վրաստանի Հանրապետություն, Հայաստան

Գլխավոր թեմաներ