ԵՐԵՎԱՆ, 7 նոյեմբերի – Sputnik. Իրանի հյուսիս–արևմտյան գավառում բանակի շտաբի ղեկավար, բրիգադային գեներալ Ալի Հաջիլուն հայտարարել է, որ երկրի ԶՈւ զրահատանկային զորամասերը տեղակայված են Ադրբեջանի ու Հայաստանի հետ սահմանակից տարածքներում, հայտնում է Mehr գործակալությունը։
Գեներալի խոսքով` Իրանի բանակը պատասխանատու է ցանկացած ոտնձգությունից երկրի սահմանամերձ շրջանները պաշտպանելու համար։
Խոսելով արցախյան հակամարտության մասին, գեներալը հայտարարել է, որ Իրանի հյուսիս–արևմուտքում ցամաքային զորքերի առաքելությունը տարածաշրջանում անվտանգության ու խաղաղության ապահովումն է։
Հաջիլուն հայտարարել է նաև, որ բանակի շտաբն ավելի վաղ հյուսիս–արևմուտք ուժեր էր ուղարկել իրավիճակը հսկելու համար, այժմ նրանց են միացել նաև զրահատանկային ստորաբաժանումները։
Իրանն ահաբեկիչների հետ կռվում էր Մերձավոր Արևելքում, իսկ հիմա մոտեցել են իր սահմաններին
Միևնույն ժամանակ նշվում է, որ Արևմտյան Ադրբեջան իրանական նահանգը սահմանակից է երեք երկրների` Ադրբեջանի, Թուրքիայի և Իրաքի հետ, իսկ բանակի տարածաշրջանային շտաբը գտնվում է Ուրմիա քաղաքում։
Նշենք, որ ադրբեջանական հատվածում այդ նահանգը սահմանակից է Նախիջևանի հետ։ Հայաստանից այն բաժանում է թուրքական տարածքի մի նեղ հատված։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 6-ի ժամը 19։00-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7405 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը զրկվել է 262 ԱԹՍ-ից, 16 ուղղաթիռից, 25 ինքնաթիռից, 749 զրահատեխնիկայից, 6 ՏՕՍ-ից, 7510 կենդանի ուժից։
Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում
