22:43 10 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Տարածաշրջան
Ստանալ կարճ հղումը
200 0 0

Քերոբյանը հանդիպման ժամանակ նշել է, որ Իրանի և Հայաստանի միջև առևտրային հարաբերությունների ներկա ծավալը չի համապատասխանում գոյություն ունեցող հնարավորություններին։

ԵՐԵՎԱՆ, 24 հունվարի – Sputnik. Հայաստանի էկոնոմիկայի նախարար Վահան Քերոբյանն իր՝ Թեհրան կատարած այցի ժամանակ հանդիպել է Իրանի արդյունաբերության, հանքերի և առևտրի նախարար Ալիռեզա Ռազմ Հոսեյնիին։ Նախարարները հանդիպման ժամանակ քննարկել են երկկողմ առևտրային հարաբերությունների ընդլայնման ուղիները։ Տեղեկությունը հայտնում է իրանահայ լրագրող Սահակ Շահմուրադյանը Facebook-ի իր ում։

Հոսեյնին անդրադարձել է պողպատի, կենցաղային իրերի, ավտոմեքենաների և սննդի արդյունաբերության ոլորտներում Իրանի հնարավորություններին` նշելով, որ երկրի արդյունաբերական և ծառայությունների ոլորտների ընկերությունները պատրաստ են զարգացնել Հայաստանի հետ համագործակցությունը:

Քերոբյանը հանդիպման ժամանակ նշել է, որ Իրանի և Հայաստանի միջև առևտրային հարաբերությունների ներկա ծավալը չի համապատասխանում գոյություն ունեցող հնարավորություններին։

«Հայաստանում համատեղ արտադրություն հիմնելով, հնարավոր կլինի շրջանցել պատժամիջոցները և երկկողմ առևտրի ծավալը տարեկան 400 միլիոն դոլարից հասցնել մեկ միլիարդ դոլարի», - ասել է Քերոբյանը։

Նա նաև ասել է, որ հայ գործարարները պատրաստ են աջակցել Իրանից Ռուսաստան արտահանման գործընթացին:

Հիշեցնենք՝ Քերոբյանը Թեհրան է մեկնել հունվարի 22-ին և  կվերադառնա ամսի 26-ին։ Գործուղման նպատակը Իրանի Իսլամական Հանրապետության հետ երկկողմ առևտրատնտեսական համագործակցության զարգացման հեռանկարները քննարկելն է։ Նա արդեն հանդիպել է իրանահայ գործարարների հետ։ Քերոբյանի գլխավորած պատվիրակությունում են նաև նախարարության արտաքին կապերի վարչության պետ Արմեն Այվազյանն ու արտաքին գործերի նախարարության սահմանակից երկրների վարչության երրորդ քարտուղար Գարիկ Գրիգորյանը։

Վահան Քերոբյանը հանդիպել է Իրանի հայ գործարարների հետ

Ըստ թեմայի

ՀՀ էկոնոմիկայի նախարարն ու ևս երկու պաշտոնյա կգործուղվեն Իրան
Իրանն ուզում է ցույց տալ իր ազդեցությունը. ռուս փորձագետի դիտարկումները Զարիֆի այցի մասին
«Իրանի դեմ լուրջ տանդեմն այսօր էլ է տեսանելի». Բալասանյանը` ԱՄՆ քաղաքականության մասին
թեգերը:
պատժամիջոցներ, Վահան Քերոբյան, Հայաստան, Իրանի Իսլամական Հանրապետություն

Գլխավոր թեմաներ