18:59 23 ապրիլի 2021
Ուղիղ եթեր
  • USD521.89
  • GBP724.44
  • EUR629.24
  • RUB6.94
Տարածաշրջան
Ստանալ կարճ հղումը
5010

Հայկական պատվիրակությունն այցելել է նաև Նոր Ջուղայի Սուրբ Ամենափրկիչ վանք և թանգարան:

ԵՐԵՎԱՆ, 25 հունվարի – Sputnik. ՀՀ էկոնոմիկայի նախարար Վահան Քերոբյանի գլխավորած պատվիրակությունը Իրան կատարած այցի երրորդ օրը եղավ Սպահանում։ Տեղեկությունը հայտնում է Իրանում ՀՀ դեսպանության Facebook-ի էջը։

Տեղեկության համաձայն` կայացել են մի շարք հանդիպումներ, այդ թվում՝ նահանգապետ Աբաս Ռեզայիի, նահանգի առևտրի, արդյունաբերության, հանքերի և գյուղատնտեսության պալատի, ինչպես նաև գործարար շրջանակների այլ ներկայացուցիչների (այդ թվում՝ հայ գործարարների) հետ:

«ՀՀ էկոնոմիկայի նախարարի և Սպահանի նահանգապետի հանդիպման ժամանակ քննարկվել է երկկողմ առևտրաշրջանառության ծավալների մեծացմանը, ներդրումային ծրագրերի իրականացմանը, արդյունաբերության, զբոսաշրջության և այլ ոլորտներում համագործակցությանն առնչվող հարցերի լայն շրջանակ»,–ասված է հաղորդագրության մեջ:

Սպահան կատարած այցի շրջանակներում նախարար Քերոբյանի գլխավորած պատվիրակությունը եղել է նաև «Chika» սննդի, «Goltash» լվացման պարագաների և հարդարման նյութերի, «Zarin Iran» հախճապակյա սպասքի արտադրական ձեռնարկություններ:

Հայկական պատվիրակությունն այցելել է նաև Նոր Ջուղայի Ս. Ամենափրկիչ վանք և թանգարան:

Հիշեցնենք՝ Քերոբյանը Թեհրան է մեկնել հունվարի 22-ին և  կվերադառնա ամսի 26-ին։ Գործուղման նպատակը Իրանի Իսլամական Հանրապետության հետ երկկողմ առևտրատնտեսական համագործակցության զարգացման հեռանկարները քննարկելն է։ Նա արդեն հանդիպել է իրանահայ գործարարների հետ։

Հնարավոր է շրջանցել պատժամիջոցները. որ ոլորտներում է Իրանը պատրաստ համագործակցել ՀՀ-ի հետ

Քերոբյանի գլխավորած պատվիրակությունում են նաև նախարարության արտաքին կապերի վարչության պետ Արմեն Այվազյանն ու արտաքին գործերի նախարարության սահմանակից երկրների վարչության երրորդ քարտուղար Գարիկ Գրիգորյանը։

Ըստ թեմայի

Իրանն ուզում է ցույց տալ իր ազդեցությունը. ռուս փորձագետի դիտարկումները Զարիֆի այցի մասին
Վահան Քերոբյանը հանդիպել է Իրանի հայ գործարարների հետ
Հայաստանն Իրանի հետ կարող է համագործակցել առնվազն չորս ուղղություններով. Մակարյան
թեգերը:
Նոր Ջուղա, Սպահան, գործարար, Վահան Քերոբյան, Հայաստան, Իրանի Իսլամական Հանրապետություն

Գլխավոր թեմաներ