Պեսկով. Էլթոն Ջոնը սկզբում կասկածել է, որ զրուցում է Պուտինի հետ

ԵՐԵՎԱՆ, 25 սեպտեմբերի–Sputnik. Բրիտանացի երգիչ Էլթոն Ջոնը որոշակի ժամանակ կասկածել է, որ իսկապես զրուցել է ՌԴ նախագահ Վլադիմիր Պուտինի հետ, սակայն Ռուսաստանի դեսպանի դիվանագիտության օգնությամբ հաջողվել է ցրել կասկածները, լրագրողներին նշել է ՌԴ նախագահի մամուլի քարտուղար Դմիտրի Պեսկովը։

Վլադիմիր Պուտինը հինգշաբթի հեռախոսով զրուցել է բրիտանացի երգիչ Էլթոն Ջոնի հետ։ Խնդրել է չնեղանալ իր գլխին խաղ խաղացած պրանկերներից և առաջարկել է հանդիպել։

Ավելի վաղ պրանկերներ Վլադիմիր Կուզնեցովն ու Ալեքսեյ Ստոլյարովը, ովքեր համացանցում հայտնի են Վովան և Լեկսուս կեղծանուններով, Էլթոն Ջոնի գլխին խաղ են խաղացել։ Ստոլյարովը ներկայացել է որպես ՌԴ նախագահի մամուլի քարտուղար և թարգմանել Ջոնի և Կուզնեցովի խոսակցությունը, ով ներկայացել է որպես Պուտին։ «ՌԴ նախագահի հետ» զրույցի մասին Ջոնը գրել է Instagram–ի իր բլոգում։

նախաձեռնությունը փոխանցվել էր Լոնդոնում ՌԴ դեսպան Ալեքսանդր Յակովենկոյի միջոցով, ով սկզբում որոշակի խնդիրներ է ունեցել, երբ փորձել է բացատրել Ջոնին, որ նա Ռուսաստանի իրական դեսպանն է և Ջոնի հետ ցանկանում է խոսել Ռուսաստանի իրական նախագահը», – ասել է Պեսկովը` պատասխանելով լրագրողների այն հարցին, թե, արդյո՞ք, Էլթոն Ջոնը կասկածել է, որ զրուցում է Պուտինի հետ։

Պատասխանելով այն հարցին, թե ինչպես է հաջողվել ցրել Էլթոն Ջոնի կասկածները, Պեսկովը ավելացրել է. «Մեր դեսպանի դիվանագիտության միջոցով»։

Պեսկովը նաև նշել է, որ ՌԴ նախագահի հետ հանդիպելու նախաձեռնության հեղինակը Էլթոն Ջոնինն է եղել։

«Այս դեպքում նախագահը պարզապես անհրաժեշտ է համարել համակրանք հայտնել Ջոնի նախաձեռնությանն իր գլխին խաղ խաղալու ֆոնին» Նախագահն ընդգծել է, որ պատրաստ է քննարկել Էլթոն Ջոնին հետաքրքրող ցանկացած հարց, եթե նրանց աշխատանքային գրաֆիկները համընկնեն», – ավելացրել է ՌԴ նախագահի մամուլի քարտուղարը։