ԵՐԵՎԱՆ, 2 հոկտեմբերի — Sputnik. Comedy Club–ի ռեզիդենտ Դեմիս Կարիբովը, ով հանդես է գալիս Դեմիս Կարիբիդիս բեմական անվամբ, ձերբակալվել է Մոսկվայի կենտրոնում Land Rover–ի ղեկին անսթափ գտնվելու համար, հայտնում է Sputnik Աբխազիան` հղում անելով Մոսկվայի ոստիկանության մամուլի ծառայության ղեկավար Անդրեյ Գալիակբերովին։
Նա հայտնել է, որ Կարիբովից ալկոհոլի ուժեղ հոտ էր գալիս։ Բժշկական հաստատում անցնելուց նա հրաժարվել է։
Կարիբովը ևս մեկ անգամ էլ բերման է ենթարկվել սեպտեմբերի 21–ին, բայց այդ մասին հայտնի է դարձել միայն հիմա։
«Սեպտեմբերի 21–ին առավոտյան ժամը 6։00–ի սահմաններում ՃՊԾ տեսուչը Կրասնայա Պրեսնյա փողոցում կանգնեցրել է «Լենդ Ռովեր» ավտոմեքենա, որի ղեկին 32–ամյա անսթափ քաղաքացի էր նստած»,– ասել է Գալիակբերովը։
Ձերբակալվածին արգելել են վարել ավտոմեքենան, որը տեղափոխել են տուգանային հրապարակ։ Վարչական նյութն ուղղվել է հաշտարար դատարան։ Գործի քննությունը նշանակված է հոկտեմբերի 5–ին։
Ձերբակալվածի մշտական բնակության վայր` Գելենջիկ, ուղղվել են տեղեկություններ վերջինիս կողմից ավելի վաղ ունեցած տուգանքները չվճարելու վերաբերյալ։
Comedy Club ռեզիդենտ Դեմիս Կարիբիդիսը 32 տարեկան է։ Հայտնի է դարձել 2006-2008 թվականներին ՈՒՀԱ Կրանսոդարի Բրյուխովեցկի ավանը ներկայացնող ԲԱԿ թիմի կապիտան լինելուց հետո։ ՈՒՀԱ–ից անմիջապես հետո սկսել է ելույթ ունենալ Comedy Club–ում։
Մոսկվայում անսթափ վիճակում մեքենա վարելու համար ձերբակալվել է Comedy Club–ի ռեզիդենտը
11:48 02.10.2015 (Թարմացված է: 17:48 12.10.2015)
© Sputnik / Кирилл Каллиников
/ Բաժանորդագրվել
Ձերբակալվածից ալկոհոլի ուժեղի հոտ էր գալիս, բայց բժշկական ստուգում անցնելուց նա հրաժարվել է, հայտնում է Մոսկվայի ոստիկանության մամուլի ծառայության ղեկավար Անդրեյ Գալիակբերովը։
