ԵՐԵՎԱՆ, 3 նոյեմբերի – Sputnik. Տուլայի մոտ շրջված ավտոբուսի բոլոր ուղևորները Հայաստանի քաղաքացիներ են եղել, հայտնել է տարածաշրջանի արտակարգ ծառայության աղբյուրը:
«Նախնական տվյալների համաձայն՝ բոլոր տուժածներն ու զոհվածները Հայաստանի քաղաքացիներ են», — ասել է գործակալության զրուցակիցը:
Ինչպես հայտնեցին Հայաստանի ԱԻՆ-ից, նոյեմբերի 3-ին ժամը 03.10 (02.10 Մոսկվայի ժամանակով) հաղորդագրություն է ստացվել, որ Տուլայի շրջանի Ուզլովայա քաղաքի մոտ շրջվել է Մոսկվա-Երևան մարդատար ավտոբուսը:
ՃՏՊ-ից տուժել է 42 մարդ, նրանցից 7-ը զոհվել է:
Համաձայն վերջին տվյալների` չինական Higer մակնիշի ուղևորատար ավտոբուսի վարորդը չի տուժել, սակայն գտնվում է շոկային վիճակում:
Օպերատիվ խումբը դիտարկում է 2 հիմնական վարկած` կամ վարորդն է քնել ղեկին, կամ վթարի պատճառը տեխնիկական անսարքությունն է:
Դեպքի վայրում աշխատում են համապատասխան ծառայությունները, տուժածները հոսպիտալացվել են, չտուժած ուղևորները գտնվում են ժամանակավոր կացարանում` տեղի կինոթատրոնում:
Ավտովթարից հետո ՌԴ ԱԻՆ Տուլայի մարզի Գլխավոր վարչությունում բացվել է հեռախոսի թեժ գիծ` 8(4872)21-16-09:
