10:30 21 օգոստոսի 2017
Ուղիղ եթեր
ДТП

ՌԴ-ում ավտովթարից զոհված հայուհու մարմինը կտեղափոխեն Հայաստան

© drive2
Ռուսաստան
Ստանալ կարճ հղումը
13 0 0

ՃՏՊ–ի հետևանքով տուժել են նաև Հայաստանի այլ քաղաքացիներ, ովքեր թեթև վնասվածքներ ունեն

ԵՐԵՎԱՆ, 11 նոյեմբերի – Sputnik. Ռուսաստանի դաշնության Սարատով-Երշով ավտոճանապարհին տեղի ունեցած ավտովթարից զոհված Ֆրիդա Ստեփանյանի մարմինը մոտ ժամանակներս կտեղափոխեն Հայաստան, Sputnik Արմենիա պորտալին հայտնեց ՌԴ-ում ՀՀ դեսպանության ՏԿԱԻՆ ներկայացուցիչ Արտակ Ղազարյանը:

Ավելի վաղ ԶԼՄ–ներում տեղեկություն էր հայտնվել, որ ՃՏՊ–ի զոհ է դարձել Հայաստանի քաղաքացի Ֆրիդա Ստեփանյանը։ Վթարը տեղի է ունեցել նախօրեին` մոտավորապես ժամը 16։00-ին։

«Ներկա պահին այլ մանրամասներ չկան, սակայն կա տեղեկություն, որ Հայաստանի քաղաքացի Ֆրիդա Ստեփանյանը մահացել է ՃՏՊ–ից։ Նաև հայտնի է, որ նրա մարմինը կտեղափոխվի Հայաստան», – նշեց Ղազարյանը։

Նա ավելացրեց, որ ՃՏՊ–ից տուժել են նաև Հայաստանի այլ քաղաքացիներ, ովքեր թեթև վնասվածքներ են ստացել։


«Մի կին թեթև վնասվածքներ է ստացել, նա միանգամից դուրս է գրվել հիվանդանոցից։ Մյուս ուղևորների մոտ առկա է ստորին վերջույթների ոսկրերի կոտրվածք։ ՃՏՊ–ի հետևանքով տուժել են երկու կին և մեկ տղամարդ», – պարզաբանեց Ղազարյանը։


Նրա խոսքերով` դեռևս չբացահայտված հանգամանքներում բախվել են «ՎԱԶ-2110» մակնիշի և «ՎԱԶ-2101» մակնիշի ավտոմեքենաները, ինչի հետևանքով մահացել է մեկ կին, երեքը վնասվածքներ ստացել։

«Դեռ հայտնի չէ, թե մեքենաներից որ մեկում են գտնվել Հայաստանի քաղաքացիները։ Ամենայն հավանականությամբ, գործ կհարուցվի, քանի որ ավտովթարը մահվան ելքով է եղել։ Քննչական մարմինները հետաքննություն կանցկացնեն», – նշեց Ղազարյանը։

Գլխավոր թեմաներ