08:15 19 սեպտեմբերի 2018
Ուղիղ եթեր
  • USD484.37
  • GBP635.69
  • EUR565.50
  • RUB7.15
ГОРОД ОРЕНБУРГ

«Օրենբուրժիե 2015» Եվրասիական տնտեսական ֆորումն է բացվել Օրենբուրգում

© Sputnik / Владимир Федоренко
Ռուսաստան
Ստանալ կարճ հղումը
100 0 0

«Օրենբուրժիե 2015» Եվրասիական տնտեսական V ֆորումն է մեկնարկել Օրենբուրգում, միջոցառմանը մասնակցում են 1.5 հազարից ավելի պատվիրակներ Ռուսաստանից, Բելառուսից, Ղազախստանից, Տաջիկստանից և Հայաստանից

ԵՐԵՎԱՆ, 12 նոյեմբերի — Sputnik. «Օրենբուրժիե 2015» Եվրասիական տնտեսական V ֆորումն է մեկնարկել Օրենբուրգում, միջոցառմանը մասնակցում են 1.5 հազարից ավելի պատվիրակներ Ռուսաստանից, Բելառուսից, Ղազախստանից, Տաջիկստանից և Հայաստանից:


«Օրենբուրգի շրջանը ձգված է երկու աշխարհամասերի՝ Եվրոպայի և Ասիայի երկայնքով, Մետաքսի մեծ ճանապարհին, որը դարերով իրար է կապել Արևելքն ու Արևմուտքը: Եվրասիական տնտեսական միության պայմաններում սա գլխավոր տրանսպորտային մայրուղին է, որը դարձել է ինտեգրման, երկրների, տնտեսությունների և մշակույթների միավորման նոր խորհրդանիշ, գործընկերության և զարգացման խորհրդանիշ», — ողջույնի խոսքում նշել է Օրենբուրգի նահանգապետ Յուրի Բերգը:


Նրա խոսքերով՝ այսօր ինտեգրացիոն գործընթացը գտնվում է այնպիսի փուլում, երբ մասնակից երկրների կառավարությունների մակարդակով ստեղծվել են բոլոր անհրաժեշտ և բավարար պայմանները:

«Մեր նպատակն է միավորման առավելություններն առավելագույն կերպով  ներգրավել մեր տարածքներում զարգացման համատեղ նախագծեր իրականացնելու համար: Հենց այդ պատճառով մեր ֆորումը ուղղված է, առաջին հերթին, ամենաարդիական թեմաների և ինտեգրման գործնական հարցերի քննարկմանը: Տնտեսության մեջ և տարածաշրջանի հասարակության կյանքում ԵՏՄ-ի որդեգրած  ուղղությունը, և որն ամենակարևորն է, մունիցիպալ մակարդակով, իսկապես ամուր հիմք կծառայի բազմակողմանի միջպետական համագործակցության համար», — նշել է Բերգը:

Ֆորումն անցկացվելու է մինչև նոյեմբերի 13-ը: Գործնական ծրագրի շրջանակում կքննարկվեն մոնոքաղաքների և արդյունաբերական զբոսայգիների զարգացմանն ուղղված հարցեր, ԶԼՄ-ների դերը միասնական տեղեկատվական եվրասիական տարածքի ձևավորման հարցում, բարձր որակավորում ունեցող մասնագետների պատրաստման, միջազգային և միջտարածաշրջանային կորպորատիվ կապերի հաստատման և ընդլայնման խնդիրները:

Եվրասիական ինտեգրմանը վերաբերող բոլոր նորությունները կարող եք ստանալ «Եվրասիական հաղորդակցման կենտրոն» հատուկ նախագծում:

Գլխավոր թեմաներ