17:46 23 օգոստոսի 2017
Ուղիղ եթեր
продукты в супермарктете

ԶԼՄ. Հնարավոր է` Ռուսաստանն այսօրվանից սահմանափակի թուրքական ապրանքների ներմուծումը

© АРКА
Ռուսաստան
Ստանալ կարճ հղումը
199 0 0

Թուրքիայի մատակարարների հետ համագործակցող աղբյուրը նշել է, որ առաջիկայում Թուրքիայի հետ պարենային էմբարգո չի կիրառվի

ԵՐԵՎԱՆ, 26 նոյեմբերի — Sputnik. Հնարավոր է` Ռուսաստանն արդեն այսօրվանից պաշտոնապես սահմանափակի Թուրքիայից ներմուծվող ապրանքների մատակարարումը, ընդ որում, էմբարգոյի մասին դեռևս չի խոսվում, գրում է ՌԻԱ Նովոստին՝ հղում անելով «Կոմերսանտ» թերթին:

Նոյեմբերի 24-ին Սիրիայում ռուսական Սու-24 ռմբակոծիչ էր վթարի ենթարկվել: Ռուսաստանի նախագահ Վլադիմիր Պուտինը հայտարարել էր, որ ինքնաթիռը խոցվել է սիրիական տարածքում թուրքական F-16-ի կողմից և ընկել Թուրքիայի սահմանից 4 կմ հեռավորության վրա: Ռուսաստանի նախագահն այս դեպքը «թիկունքից հասցված հարված» էր որակել։ Վարչապետ Դմիտրի Մեդվեդևն էլ հայտարարել էր, որ հնարավոր է` Ռուսաստանը դադարեցնի Թուրքիայի հետ իրականացվող կարևոր նախագծերը:

«Ռուսաստանն առաջիկայում կսահմանափակի Թուրքիայից ներմուծվող ապրանքների մատակարարումը։ Այդ մասին կարող է պաշտոնապես հայտարարվել այսօր… Ինչպես ԵՄ-ի, ԱՄՆ-ի, Ավստրալիայի, Նորվեգիայի և Կանադայի դեպքում, այս դեպքում էլ էմբարգո չի կիրառվի, համենայն դեպս` մոտ ապագայում», — հայտնում է պարբերականը:

Կառավարության պաշտոնյան ասել է թերթին, որ այժմ ներմուծումը սահմանափակող մեխանիզմներ են մշակվում:

Գլխավոր թեմաներ