11:26 22 օգոստոսի 2017
Ուղիղ եթեր
Зенитная ракетная система (ЗРК) С-400

Ռուսաստանը C-400 ԶՀՀ է տեղակայել Սիրիայում

© Sputnik/ Рамиль Ситдиков
Ռուսաստան
Ստանալ կարճ հղումը
79 0 0

С-400 զենիթահրթիռային համալիրը «Մոսկվա» հրթիռային հածանավի աջակցությամբ կապահովի Սիրիայում ռուսական ավիախմբի թռիչքների անվտանգությունը և կոչնչացնի ցանկացած թիրախ, որը վտանգ է ներկայացնում իր համար

ԵՐԵՎԱՆ, 26 նոյեմբերի– Sputnik. Ռուսաստանը Սիրիայում ծավալել է նորագույն С-400 զենիթահրթիռային համալիր, որն առայժմ նմանը չունի աշխարհում, հաղորդում է ՌԻԱ Նովոստիի թղթակիցը։

Չորեքշաբթի հայտնի է դարձել, որ ՌԴ նախագահ Վլադիմիր Պուտինը հավանություն է տվել պաշտպանության նախարարության հարցմանը` Հմեյմիմ ավիակայանում ՀՕՊ նորագույն C-400 համակարգեր տեղակայելու մասին։ Դա արվել է այն բանից հետո, երբ թուրքական կործանիչը խոցել է ռուսական Սու–24–ը, որը մասնակցել է Սիրիայում «Իսլամական պետության» ահաբեկիչնեերի դեմ գործողություններին։ Մեկ օդաչուն մահացել է, մյուսին հաջողվել է փրկվել։

Ռազմատրանսպորտային ավիացիան զենիթահրթիռային համալիրը մեկ օրվա ընթացքում տեղափոխել է մերձմոսկովյան շրջանից, հաղորդել է ՌԻԱ Նովոստիին ՌԴ օդային տիեզերական զորքերի ներկայացուցիչը։

С-400 զենիթահրթիռային համալիրը «Մոսկվա» հրթիռային հածանավի աջակցությամբ կապահովի Սիրիայում ռուսական ավիախմբի թռիչքների անվտանգությունը և կոչնչացնի ցանկացած թիրախ, որը վտանգ է ներկայացնում իր համար։

Ռազմատեխնիկական համագործակցության հարցերով ՌԴ նախագահի օգնական Վլադիմիր Կոժինն ասել է լրագրողներին, որ Սիրիա ուղևորվող С-400–ը չի վաճառվի և կվերադառնա Ռուսաստան առաջադրանքը կատարելու հետո։

Գլխավոր թեմաներ