13:41 20 օգոստոսի 2017
Ուղիղ եթեր
Армянской бизнесмен Левон Айрапетян

Հայրապետյանը հերքում է 700 հազար դոլար հափշտակելու փաստը

© Flickr/
Ռուսաստան
Ստանալ կարճ հղումը
24 0 0

Հետաքննության տվյալով` գործարարը կնոջը մոլորեցրել է` խոստանալով խոշոր գումարի դիմաց մեղմ դատավճռի հասնել նրա որդու համար։ Իրականում այդ դատական որոշման վրա ազդելու ոչ մի հնարավորություն Հայրապետյանը չի ունեցել

ԵՐԵՎԱՆ, 18 հունվարի — Sputnik. Գործարար Լևոն Հայրապետյանը հերքում է իր առնչությունը նախկին սենատոր Իգոր Իզմեստևի մորից 700 հազար դոլար հափշտակելու գործին, հայտնում է ՌԻԱ Նովոստին Մոսկվայի Զամոսկվորեցկի շրջանի դատարանի դահլիճից:

«Հանցագործություն չեմ կատարել, ես մեղավոր չեմ», — հայտարարել է մեղադրյալն այն բանից հետո, երբ դատավորը հրապարակել է գործով մեղադրական դատավճիռը:

700 հազար դոլար հափշտակելու գործով Հայրապետյանին մինչև տասը տարվա ազատազրկում է սպառնում։

Հայրապետյանի նկատմամբ հարուցվել է ևս մեկ քրեական գործ։ Նա մեղադրվում է 2009 թվականի ապրիլին «Սիստեմա» ԲՖԿ կառույցներին Ուրալ Ռախիմովի կողմից երեք տարի գլխավորած «Բաշնեֆտը» վաճառելու գործին մասնակցություն ունենալու մեջ։ Իրավարար լայնածավալ գործողությունների արդյունքում «Բաշնեֆտը» վերադարձվել է պետությանը։

Հետաքննության տվյալներով` Հայրապետյանն ունի երկքաղաքացիություն և անշարժ գույք արտերկրում, մասնավորապես, վերջին ժամանակներում նա բնակվում էր Մոնակոյում։ Այդ փաստով էլ հենց հետաքննությունը բացատրում էր նրան ժամանակավոր մեկուսարանում պահելու անհրաժեշտությունը։ Հոկտեմբերի սկզբին գործարարին տնային կալանքի տակ առան։ Հայրապետյանի փաստաբանը ավելի վաղ հայտնել էր, որ իր պաշտպանյալի առողջական վիճակը վատացել է, և խնդրել էր նրան ազատ արձակել։

«Բաշնեֆտի» վաճառքի դատական գործով առավել բարձրաստիճան դերակատարը «Սիստեմա» ԲՖԿ տնօրենների խորհրդի նախագահ Վլադիմիր Եվտուշենկովն է` Ռուսաստանի ամենահարուստ մարդկանցից մեկը։ Նրա նկատմամբ խափանման միջոց է ընտրվել տնային կալանքը, սակայն հետագայում նրան ազատ են արձակել` ներկայանալու պայմանով։

Բաշկիրիայի նախկին սենատոր Իգոր Իզմեստևը ցմահ դատապարտված է ահաբեկչության և այլ ծանր հանցագործությունների համար:

 

Գլխավոր թեմաներ