ԵՐԵՎԱՆ, 11 ապրիլի — Sputnik. «Ռոսսիա սեգոդնյա» միջազգային լրատվական գործակալության կազմակերպած «Խոսում ենք ինչպես Լևիտանը» միջազգային ռադիոմրցույթի հայտերի ընդունումը կավարտվի ապրիլի 15-ին` Մոսկվայի ժամանակով ժամը 23։59-ին։
Մրցույթին կարող են մասնակցել են Ռուսաստանի, ԱՊՀ և Բալթյան երկրների տարածքում հեռարձակվող ռադիոալիքների հաղորդավարներն ու թղթակիցները: Մասնակցության համար անհրաժեշտ է լրացնել հայտը և ձայնագրել «Խորհրդային ինֆորմբյուրոյից» պատմական քրոնիկներից մեկը, որը կարդացել է Յուրի Լևիտանը 1945թ.-ի գարնանը: Մրցութային աշխատանքը պետք է ուղարկել կազմկոմիտե levitan@rian.ru հասցեով:
«Խոսում ենք ինչպես Լևիտանը» ռադիոմրցույթը հայտարարվել է սկսնակ ռադիոլրագրողներին աջակցելու, ավանդույթների հաջորդականությունն ապահովելու և ոլորտի պրոֆեսիոնալ կադրերի ձևավորմանն աջակցելու նպատակով։
Ժյուրին մրցույթի հաղթողների անունները կհայտարարի 2016 թ-ի մայիսի 5-ին։ Պարգևատրման արարողությունը տեղի կունենա հունիսին Մոսկվայում։ Մրցույթի հաղթողը կստանա դիպլոմ, արձանիկ և 50 հազար ռուբլի դրամական պարգև։ Մրցույթի մրցանակակիրները կստանան դիպլոմ և դրամական պարգև։ Մրցանակային ֆոնդը կկազմի 30 և 20 հազար ռուբլի` երկրորդ և երրորդ տեղերի համար։
Մրցույթն անցկացվում է Սովինֆորմբյուրոյի 75-ամյակի կապակցությամբ: Սովինֆորմբյուրոն հիմնադրել է այն խոշորագույն ռուսական տեղեկատվական գործակալությունները, որոնք տարբեր տարիների ներկայացրել են Ռուսաստանը միջազգային ասպարեզում: Միջոցառումների ամբողջական ցանկը կարելի է գտնել ՌԻԱ Նովոստի լրատվական գործակալության (մտնում է «Ռոսսիա Սեգոդնյա» միջազգային մեդիախմբի մեջ) կայքի «75 տարի. պատմությունը սկսվում է նորությունից» բաժնում։
«Ռոսսիա սեգոդնյա» ՄԼԳ-ն միջազգային մեդիախումբ է, որն օպերատիվ, հավասարակշռված և օբյեկտիվ լուսաբանում է աշխարհում կատարվող իրադարձությունները, առանցքային դեպքերի շուրջ տարբեր տեսակետներ է ներկայացնում լսարանին։ «Ռոսսիա սեգոդնյա» ՄԼԳ-ն ներկայացնում է մի շարք տեղեկատվական ռեսուրսներ` ՌԻԱ Նովոստի, Ռ-Սպորտ, ՌԻԱ Անշարժ գույք, ՌԻԱ Վարկանիշ, ԻնոՍՄԻ։ «Ռոսսիա սեգոդնյա» ՄԼԳ-ն ըստ մեջբերումների թվի առաջատար է ռուսական ԶԼՄ-ների շարքում։ Գործակալությունն առաջատար դիրքեր է զբաղեցնում նաև ռուսական սոցիալական ցանցերում և բլոգոլորտում` ըստ մեջբերումների։
