ԵՐԵՎԱՆ, 23 նոյեմբերի — Sputnik. «Օդնոկլասնիկի» սոցիալական ցանցը նոյեմբերի 21-ից դեկտեմբերի 7-ը «Մեծ կինո» ընկերության հետ համագործակցության միջոցով կներկայացնի բժիշկների, փրկարարների և կամավորների հիշողությունները, որոնք օգնություն են ցուցաբերել 1988 թ.-ի դեկտեմբերի 7-ի աղետից տուժածներին, հաղորդում է kinobusiness.com-ը։
«Երկրաշարժ» ֆիլմի լույս տեսնելուն նվիրված նախագծի շրջանակում սոցցանցի օգտատերերը կարող են ավելի շատ բան իմանալ ամբողջ աշխարհը միավորած ողբերգության մասին յուրահատուկ դիզայնով 404 էջում։
«Մենք հաճույքով ենք աշխատում «Օդնոկլասնիկի» սոցիալական ցանցի հետ։ Մեզ համար կարևոր է, որ այս սոցցանցը յուրահատուկ, կարեկից լսարան ունի։ Օգտատերերը հազարավոր մեկնաբանություններ են գրել «Երկրաշարժ» ֆիլմի թրեյլերի տակ։ Հիշել են այդ ողբերգության մասին, պատմել իրենց պատմությունները»,- ասել է կինոընկերության պրոդյուսեր Ղևոնդ Անդրեասյանը։
