ԵՐԵՎԱՆ, 14 դեկտեմբերի — Sputnik. «Լենֆիլմ» կինոստուդիայի ամենատարեց ռեժիսորՍերգեյ Միքայելյանի հետ հրաժեշտը տեղի կունենա դեկտեմբերի 5-ին ժամը 12։00-ին՝ «Լենֆիլմ» կինոստուդիայի երկրորդ տաղավարում։ Խորհրդային կինոյի վետերանին հողին կհանձնեն Սերաֆիմյան գերեզմանատանը, հաղորդում է կինոստուդիայի մամուլի ծառայությունը։
ԽՍՀՄ պետական մրցանակի դափնեկիր Սերգեյ Միքայելյանը ծնվել է 1923թ-ի նոյեմբերի 1-ին, Երկրորդ համաշխարհային պատերազմի վետերան է, նա 17 տարեկանում կամավոր ճակատ է մեկնել, վիրավորվել Ռժևի մատույցներում: Ռեժիսորի ստեղծագործական գործունեությունը 1956 թվականից կապված է «Լենֆիլմի» հետ:
Նա նկարահանել է «Գնում եմ դեպի կայծակը», «Մարտն ընդունում եմ», «Այրիներ», «Պատմիր ինձ քո մասին», «Մրցանակ», «Միայն մեկ կյանք», «Ֆրանսիական վալս», «Սիրահարված սեփական ցանկությամբ», «100 զինվոր և մեկ աղջիկ» ֆիլմերը: Միքայելյանը մահացել է շաբաթ օրը 93 տարեկան հասակում։
