ԵՐԵՎԱՆ, 28 դեկտեմբերի — Sputnik. Հայաստանցի աշխատանքային միգրանտները` Ալբերտը և Սերգեյը, որոնք Ռոստովում տարանցիկ չվերթով Պետերբուրգից պետք է թռչեին Երևան, շփոթել են չվերթը և մեկնել Մինվոդի, հաղորդում է «Ռոսիա Ստովրոպոլյե» հեռուստաալիքը։
Մինվոդիի օդանավակայանի աշխատակիցները ենթադրում են, որ Հայաստանի քաղաքացիներն ուղղակի շփոթել են ավտոբուսի կանգառները, որտեղից նրանք պետք է տեղափոխվեին Ռոստով մեկնող ինքնաթիռի մոտ։ Իրավասու մարմինները կպարզեն, թե նրանք ինչպես են դուրս մնացել էլեկտրոնային գրանցումից և ինչու «Յուտեյր» ավիաընկերության ինքնաթիռում չեն բացահայտել «օտար» ուղևորներին
Մեկ օր անցկացնելով Մինվոդիում` Ալբերտը և Սերգեյն արդեն Մոսկվայով թռել են Երևան։ Նրանց օգնել է «Պուլկովո» օդանավակայանը, որը վճարել է հայ աշխատանքային միգրանտների տոմսերի արժեքը։
