21:14 20 նոյեմբերի 2017
Ուղիղ եթեր
Ռուսական ինքնաթիռ

Հայկական և ռուսական ինքնաթիռների բախման վտանգ չի եղել

© Sputnik/ Наталья Селиверстова
Ռուսաստան
Ստանալ կարճ հղումը
34 0 0

Ռուսաստանը հերքել է լուրերն այն մասին, որ ռուսական Boeing–ի ու հայկական Իլ-76–ի բախման սպառնալիք է եղել։

ԵՐԵՎԱՆ, 29 դեկտեմբերի — Sputnik. Իրականությանը չեն համապատասխանում ԶԼՄ-ների տարածած տեղեկությունները, թե Հայաստանի ՌՕՈՒ ինքնաթիռն ու ռուսական Boeing 737-ը վտանգավոր հեռավորության վրա են եղել։ Այս մասին ՌԻԱ Նովոստիին են հայտնել Օդային շարժման կազմակերպման պետական կորպորացիայից` նշելով, որ բախման վտանգ չի եղել։

Ավելի վաղ ԶԼՄ-ները հայտնել էին, որ ինքնաթիռները միմյանց են մոտեցել «Վնուկովո» օդանավակայանի տարածքում։

«Տեղեկությունն իրականությանը չի համապատասխանում. վտանգավոր մոտեցում չի եղել, խախտում` նույնպես։ Ավիավթարի սպառնալիք չի եղել», — հայտնել են կորպորացիայից։

Հայաստանի ՌՕՈՒ Իլ-76-ի և ռուսական Boeing 737-ի միջև հեռավորությունը բավարար է եղել։

«Պետք է նշել, որ որոշ ԶԼՄ-ներ Սոչիում տեղի ունեցած ողբերգական իրադարձությունների ֆոնին հերթական անգամ չճշտված տեղեկություններ են տարածում, և անառողջ խառնաշփոթ է առաջանում օդային շարժման կառավարման աշխատանքում», — ընդգծել են գերատեսչությունում։

Նյութի ռուսերեն տարբերակը

Գլխավոր թեմաներ