ԵՐԵՎԱՆ, 30 դեկտեմբերի — Sputnik. Ռուսաստանի ԱԳՆ պաշտոնական ներկայացուցիչ Մարիա Զախարովան նոր հակառուսական պատժամիջոցների սահմանումն անվանել է «չարացած անհաջողակների գործողություններ»։
«Մենք մի քանի տարի շարունակ խոսել ենք այդ մասին. Սպիտակ տանը 8 տարի նստած մարդիկ վարչակազմը չեն, դա արտաքին քաղաքական չարացած անհաջողակների խումբ է։ Այսօր Օբաման պաշտոնապես խոստովանեց դա։
Զարմանալին այն է, որ միջազգային ասպարեզում նախագահական ոչ մի ձեռքբերում չգրանցելով` Նոբելյան մրցանակի դափնեկիրը էլեգանտ վերջակետի փոխարեն մեծ թանաքաբիծ թողեց։
Այսօր Ամերիկան, ամերիկյան ժողովուրդը նսեմացվել են սեփական նախագահի կողմից, այլ ոչ թե միջազգային ահաբեկիչների, հակառակորդների զորքերի»,- գրել է Զախարովան ֆեյսբուքյան իր էջում։