02:34 27 հունիսի 2017
Ուղիղ եթեր
Նիկոլայ Բորդյուժա

ՀԱՊԿ գլխավոր քարտուղարը ժամանակավորապես Սեմերիկովն է

© Sputnik/ Asatur Yesayants
Ռուսաստան
Ստանալ կարճ հղումը
51 0 0

Դեկտեմբերի 31-ին լրացավ ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետը: ՀԱՊԿ առաջնորդները դեռ չեն որոշել, թե ով է լինելու այս պաշտոնի նոր թեկնածուն: Ենթադրվում է, որ ռոտացիայի իրավունքով այդ պաշտոնը կստանձնի Հայաստանի ներկայացուցիչը:

ԵՐԵՎԱՆ, 1 հունվարի — Sputnik. 2017 թվականի հունվարի 1-ից ՀԱՊԿ գլխավոր քարտուղարի պարտականությունների ժամանակավոր հանձնակատար է դարձել Վալերի Սեմերիկովը: Այդ մասին գրված է ՀԱՊԿ-ի պաշտոնական կայքում:

«2016 թվականի դեկտեմբերի 31-ին, կապված ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետի ավարտի հետ, որը սահմանվել էր 2015 թվականի դեկտեմբերի 21-ը, ՀԱՊԿ հավաքական անվտանգության խորհրդի որոշմամբ, «ՀԱՊԿ գլխավոր քարտուղարի մասին» սահմանված կարգով 2017 թվականի հունվարի 1-ից ՀԱՊԿ գլխավոր քարտուղարի պարտականությունները դրվել են ՀԱՊԿ գլխավոր քարտուղարի տեղակալ Վալերի Սեմերիկովի վրա»,- գրված է հաղորդագրության մեջ:

Բորդյուժան զբաղեցրել է ՀԱՊԿ գլխավոր քարտուղարի պաշտոնը 2003 թվականից: 2015 թվականի դեկտեմբերի 31-ին նրա լիազորությունների ժամկետն ավարտվեց:

ՀԱՊԿ-ը ստեղծվել է 2002թ.-ին, այժմ կազմակերպության կազմում վեց պետություն է ընդգրկված`Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը։ ՀՀ-ն ՀԱՊԿ-ի պայմանագիրը ստորագրել է 1992 թվականի մայիսի 15-ին։ Հայաստանը ՀԱՊԿ-ում նախագահում է 2015 թվականի սեպտեմբերից:

Գլխավոր թեմաներ