ԵՐԵՎԱՆ, 9 հունվարի — Sputnik. 37-ամյա շոումեն Միխայիլ Գալուստյանի կինը` Վիկտորյան, Instagram սոցիալական ցանցում տեղադրել է ընտանեկան լուսանկար` արված Սուրբծննդյան տոնին։ Ամուսինները` երկու դստրիկների հետ, նկարվել են զարդարված տոնածառի մոտ։ «Շնորհավոր Սուրբ ծնունդ։ Խաղաղություն, բարություն, սեր և անվերջանալի երջանկություն Ձեզ և Ձեր ընտանիքներին»,-այսպիսի գրություն է թողել նկարի տակ Գալուստյանի կինը։
Նրանց դստրիկները` 6-ամյա Էստելան և 4-ամյա Էլինան, կրում են տոնական զգեստներ և նման են փոքրիկ արքայադստրերի։
Վիկտորյա Գալուստյանի արած գրառումն ուրախացրել է նրանց երկրպագուներին։
«Շնորհավորում ենք Ձեզ և Ձեր ընտանիքին` տոների կապակցությամբ։ Հաճելի է ձեզ միասին ու երջանիկ տեսնել։ Իսկ երջանիկ մարդիկ միայն երջանկություն են սփռում։ Եվ թող Աստված պահպանի ձեզ և բոլոր նրանց, ովքեր թանկ են ձեզ համար։ Հիացած եմ ձեզանով։ Շնորհակալություն, որ դուք կաք»,- նմանօրինակ քոմենթների կարելի է հանդիպել Վիկտորյայի տեղադրած նկարի տակ։
Միխայիլն ու Վիկտորյան ամուսնացել են 2007 թ.-ին։ Նրանց ավագ դուստրը ծնվել է 2010թ.-ի օգոստոսի 25-ին, իսկ կրտսերը` 2012թ.-ի փետրվարի 16-ին, գրում է letidor.ru-ն։
Նյութի ռուսերեն տարբերակը
