ԵՐԵՎԱՆ, 11 հունվարի — Sputnik. Dailymail անգլիական օրաթերթն իր ինտերնետային էջում հրապարակել է ռուսաստանցի անվանի դիմահարդար Գոհար Ավետիսյանի ապշեցնող աշխատանքների լուսանկարները և տեսանյութ։
Նշվում է, որ դիմահարդարը մեյքափի կախարդանք է գործում` աներևակայելիորեն փոխելով ակնե հիվանդությամբ տառապող աղջկա դեմքը։ Հրաշալի կերպարանափոխության տեսանյութը Instagram-ի իր էջում տեղադրել է Գոհար Ավետիսյանը։
«Բարի և լավ աղջիկ, որը դիմահարդարման ընթացքում տեսնելով իրեն օգնելու ցանկությունից իմ վառվող աչքերը, ասում էր, որ ես շատ գեղեցիկ եմ։ Ես ամբողջ սրտով զգացի այն, ինչ զգում էր նա… Դա ավելի լավ ապագայի հույսն է, այդ աչքերը լի են երախտագիտությամբ և արցունքներով, երբ նա տեսավ արդյունքը։ Նա ցանկացած աղջկա նման երազում է հանդիպել մի տղայի հետ, շփվել, բայց՝ ավաղ։ Ես հրապարակում եմ ընթացքը և կիսում եմ ձեզ հետ սա ոչ թե քարոզելու համար, որ բուժելու փոխարեն պետք է թաքցնել, ոչ, ոչ մի դեպքում։ Պետք է բուժել և պայքարել մինչև վերջ, պետք է օգնել նման իրավիճակում գտնվող աղջիկներին՝ թաքցնել ինչ-որ բան (տոների, ծննդյան օրվա առթիվ), որպեսզի նրանք չամաչեն հայտնվել հասարակությունում և դադարեն ատել իրենց»,- գրել է Ավետիսյանը։
