ԵՐԵՎԱՆ, 14 մարտի — Sputnik.Հայտնի ռուս հեռուստահաղորդավարուհի, ֆոտոմոդել և «Միսս Ռուսաստան» տիտղոսակիր Վիկտորյա Լոպիրևան, ով ներկա գտնվել «Ռոստով»- «Մանչեսթեր Յունայթեդ» հանդիպմանը պատմել է խաղից իր տպավորությունների մասին՝ հիշատակելով, թե ինչ մեծագույն սիրով էին Ռոստովի հայերը շրջապատել հայտնի ֆուտբոլիստ, «Մանչեսթեր Յունայթեդի» և Հայաստանի հավաքականի կիսապաշտպան Հենրիխ Մխիթարյանին:
«Հավատում էի նման արդյունքի: Առանց ավելորդ համեստության, ասեմ, որ երբ ես ներկա եմ լինում որևէ ֆուտբոլային հանդիպամ, իմ սիրելի թիմը չի պարտվում: Կանխատեսելի էր, որ խաղը ոչ ոքի կավարտվի: Հաղթեց բարեկամությունը:
Ուշադրություն դարձրեք, թե ինչպես էին մեզ մոտ պատվում Հենրիխ Մխիթարյանին: Այստեղ շատ են հայերը: Խաղից հետո քիչ մնաց նրանք, «Մանչեսթեր Յունայթեդի» ավտոբուսը ձեռքերի վրա տանեն»,-ասել է գեղեցկուհին՝ Սպորտ ՖՄ-ին տված հարցազրույցի ժամանակ:
Հիշեցնենք, որ «Ռոստով»- «Մանչեսթեր Յունայթեդ» հանդիպումը տեղի է ունեցել մարտի 9-ին: Հանդիպման 1-ին խաղակեսում Հենրիխ Մխիթարյանը դարձել է «Մանչեսթեր Յունայթեդ» խփած միակ գոլի հեղինակ: Խաղն ավարտվել է ոչ ոքի՝ 1:1 հաշվով: Իր խփած գնդակը Մխիթարյանը նվիրել է Ռոստովի հայերին:
