23:43 18 նոյեմբերի 2017
Ուղիղ եթեր
Վլադիմիր Պուտին

Պուտինը` Ղարաբաղի մասին. «Ռուսաստանը պատրաստ է առավելագույն ջանքեր գործադրել»

© Sputnik/ Григорий Сысоев
Ռուսաստան
Ստանալ կարճ հղումը
8601

ՌԴ նախագահ Վլադիմիր Պուտինը օտարերկրյա պետությունների դեսպաններին հավատարմագրեր հանձնելու ժամանակ անդրադարձել է նաև ղարաբաղյան հակամարտության խնդրին։

ԵՐԵՎԱՆ, 16 մարտի — Sputnik. Ռուսաստանը պատրաստ է առավելագույն ջանքեր գործադրել տարածքաշրջանային հակամարտությունների կարգավորման գործում։ Այս մասին հայտարարել է ՌԴ նախագահ Վլադիմիր Պուտինը` խոսելով Հայաստանի հետ հարաբերությունների մասին։

«Մենք Հայաստանի հետ կապված ենք բարեկամության և փոխըմբռնման կապերով։ ՀՀ նախագահ Սերժ Սարգսյանի հետ հանդիպումը ցույց տվեց, որ Ռուսաստանն ու Հայաստանը, որպես դաշնակիցներ, հուսալիորեն սատարում են միմյանց և միասին առաջ են մղում եվրասիական ինտեգրման գործընթացները։ Մեր երկրների մեջ հաջող գործակցություն է ծավալվում տնտեսության, առևտրի, ներդրումների, ռազմատեխնիկական ոլորտներում։ Ընդլայնվում են շփումները զբոսաշրջության, մշակույթի, գիտության և կրթության ոլորտներում։ Ռուսաստանը, որպես միջնորդ, պատրաստ է առավելագույն ջանքեր գործադրել տարածքաշրջանային հակամարտությունների կարգավորման համար»,- ասել է Պուտինը օտարերկրյա պետությունների դեսպաններին հավատարմագրեր հանձնելու ժամանակ։

Ղարաբաղյան հակամարտությունը սրվել է 2016 թվականի ապրիլի 2-5–ն ընկած ժամանակահատվածում։ Երևանը հայտարարել էր, որ Ադրբեջանը նախահարձակ գործողություններ է սկսել, Բաքուն էլ իր հերթին հայտարարել էր, որ հայկական կողմն է կրակում Ադրբեջանի ուղղությամբ։ Պաշտոնական տվյալների համաձայն` հակամարտության երկու կողմն էլ զոհեր ունեցան, այդ թվում` խաղաղ բնակիչների շրջանում։

Ապրիլի 5-ին Մոսկվայի աջակցությամբ կողմերը պայմանավորվեցին դադարեցնել ռազմական գործողությունները, սակայն շփման գծում խախտումները շարունակվում են մինչ օրս։ Մայիսի 16-ին Վիեննայում կայացավ Հայաստանի և Ադրբեջանի նախագահներ Սերժ Սարգսյանի և Իլհամ Ալիևի` հակամարտության թեժացումից հետո առաջին հանդիպումը, որին մասնակցեցին նաև ԵԱՀԿ Մինսկի խմբի համանախագահները։

Սարգսյան-Ալիև հանդիպմանը համանախագահող երկրների ներկայացուցիչները պնդեցին 1994թ.–ի զինադադարի և 1995թ.–ի զինադադարի ամրապնդման մասին համաձայնագրերի անշեղ իրագործման անհրաժեշտությունը: Համաձայնություն ձեռք բերվեց քայլեր ձեռնարկել դրանց իրականացման մշտադիտարկման և միջադեպերի հետաքննության մեխանիզմի ներդրման, ԵԱՀԿ գործող նախագահի անձնական ներկայացուցչի թիմի կարողությունների ավելացման, հակամարտության կարգավորման բանակցային գործընթացի հնարավոր վերսկսման ուղղությամբ։

Русская версия

Գլխավոր թեմաներ