ԵՐԵՎԱՆ, 25 մարտի — Sputnik. Ռուսաստանի Առաջին ալիքով (ОРТ) եթեր հեռարձակվող «Ձայնը. Երեխաներ» հեռուստաշոուի 4-րդ եթերաշրջանի «կույր լսումների» ժամանակ Մոսկվայում բնակվող հայազգի 10-ամյա Լևոն Գալստյանն արժանացել է ոչ միայն հանդիսատեսի, այլև ժյուրիի անդամների համակրանքին: Նա զարմացրել է բոլորին՝ իր հիասքանչ ելույթով:
Լևոնը կատարել է «Սարդ-մարդը» (Spider-Man) երգը՝ համանուն մուլտֆիլմից:
Ժյուրիի անդամ երգիչներ Նյուշան և Վալերի Մելաձեն, լսելով Լևոնի ձայնը, շրջվում նրա կողմ:
«Քեզ հաճոյախոսություններ անելու իմաստ չկա, ինքդ հասկանում ես ամեն ինչ», — տղայի ելույթը մեկնաբանել է Վալերի Մելաձեն:
Լևոնի խոսքով` ինքը ցանկանում էր ընդգրկվել Դիմա Բիլանի թիմում, սակայն նրա թիմի անդամների առավելագույն թիվն արդել լրացել է: Այդ պատճառով տղան ընտրել է Վալերի Մելաձեին:
