10:10 25 սեպտեմբերի 2017
Ուղիղ եթեր
Վլադիմիր Պուտին

Պուտինը Սիրիային հասցրած ԱՄՆ հարվածը ագրեսիայի դրսևորում է անվանել

© Sputnik/ Алексей Филиппов
Ռուսաստան
Ստանալ կարճ հղումը
4920

Կրեմլը պատասխանել է Սիրիայում կառավարական օդանավակայանին հասցրած ԱՄՆ հրթիռային հարվածին։

ԵՐԵՎԱՆ, 7 ապրիլի — Sputnik. Ռուսաստանի նախագահ Վլադիմիր Պուտինը Սիրիայի կառավարական զորքերի օդանավակայանին ԱՄՆ-ը հասցրած հրթիռային հարվածը ագրեսիայի դրսևորում է համարում ինքնիշխան պետության դեմ, հայտնում է ՌԴ նախագահի մամուլի քարտուղար Դմիտրի Պեսկովը։

«Նախագահ Պուտինը Սիրիային հասցրած ամերիկյան հարվածները համարում է ագրեսիա ինքնիշխան պետության դեմ, որը խախտում է միջազգային իրավունքի նորմերը, ընդ որում՝ մտացածին պատրվակով»,- ասել է Պեսկովը։
Նա նաև նշել է, որ սիրիական բանակը քիմիական զենքի պահուստներ չունի։

«Սիրիայի ԶՈՒ-ի քիմիական զենքի բոլոր պահուստների վերացման փաստը հաստատվել է ՄԱԿ-ի մասնագիտացած ստորաբաժանման` ՔԶԱԿ-ի կողմից», — հիշեցրել է նա։

Պենտագոնի պաշտոնական տեղեկությունների համաձայն` հարձակումն իրականացվել է Սիրիայի ՌՕՈՒ-ի «Շայրաթ» օդանավակայանի վրա Հայաստանի ժամանակով ժամը 4։40` Ross և Porter էսկադրոնային ականակիրներից, Միջերկրական ծովի տարածքից։ Tomahawk 59 հրթիռ է արձակվել։ Արևմտյան ԶԼՄ-ների տվյալներով` գործողություններն իրականացվել էին նախագահ Դոնալդ Թրամփի հրամանով, ի պատասխան Իդլիբում քիմիական հարձակման, որի պատասխանատվությունն ԱՄՆ-ը և Արևմտյան երկրները գցում են Սիրիայի նախագահ Բաշար Ասադի վրա։

Русская версия

Գլխավոր թեմաներ