20:32 26 սեպտեմբերի 2017
Ուղիղ եթեր
Ատրճանակ

Մոսկվայում երկու հայի սպանած անձը ՀՀ քաղաքացի է

Пресс-служба ГУ МВД РФ по г. Мос
Ռուսաստան
Ստանալ կարճ հղումը
85 0 0

Ռուսաստանի քննչական կոմիտեն ձերբակալել է Հայաստանի քաղաքացու, որին կասկածում է պատվիրված սպանություն կատաելու մեջ։

ԵՐԵՎԱՆ, 7 ապրիլի — Sputnik. Ռուսաստանի Դաշնության Մոսկվայի մարզի Լենինսկի շրջանում կրկնակի սպանության կասկածանքով ձերբակալվել է ՀՀ քաղաքացի, հայտնում է ՌԴ քննչական կոմիտեի Մերձմոսկովյան շրջանի քննչական գլխավոր վարչությունը։

Մի քանի դատվածություն ունեցող 35-ամյա ՀՀ քաղաքացու մասնակցությունը սպանությանը հաստատել են քննիչները: Հայտնի է, որ սպանությունը տեղի է ունեցել կողմերի միջև ծագած վեճի հետևանքով:

Հիշեցնենք, որ օրերս հայտնի էին դարձել ՌԴ Մոսկվայի մարզի Լենինսկի շրջանի Ռազվիլկա գյուղում «Մերսեդես» մակնիշի մեքենայի բեռնախցիկում մահացած հայտնաբերված երկու տղամարդկանց անունները: Սպանվածներից մեկը Հայաստանի Հանրապետության քաղաքացի Խորեն Մարգարյանն է, երկրորդը՝ Աբխազիայի բնակիչ Միքայել Լալայանը: Իրավապահների վարկածով՝ տղամարդկանց սպանելուց առաջ խոշտանգել են:

Փողոցներից մեկում կայանված ավտոմեքենան օրեր առաջ հայտնաբերել էր մոտակա տներից մեկի բնակիչը: Նրան կասկածելի էր թվացել, որ անծանոթ ավտոմեքենան երկար ժամանակ կանգնած է իր տան մոտ: Տղամարդը ոստիկանություն էր կանչել: Իրավապահները որոշել են զննել կասկածելի ավտոմեքենան: Քննիչները վարկած են առաջ քաշել, որ դա եղել է պատվիրված սպանություն, քանի որ մարդասպանն առաջին կրակոցն արձակել է մարմնին, ապա՝ գլխին:

Գլխավոր թեմաներ