ԵՐԵՎԱՆ, 26 ապրիլի — Sputnik. Ամենաշատ մեջբերվող Ռուսաստանի լրագրողների մարտ ամսվա վարկանիշը հրապարակվել է «Մեդիալոգիա» ընկերության կայքում։
Վարկանիշում երկրորդ տեղը զբաղեցրել է RT հեռուստաալիքի գլխավոր խմբագիր Մարգարիտա Սիմոնյանը։ Մարտ ամսին նրան մեջբերել են 3 450,2 անգամ։ Սիմոնյանին այդքան հաճախ մեջբերելու պատճառը կապված է Fakecheck նախագծի գործարկման վերաբերյալ նրա հայտարարության հետ։ Fakecheck-ում նա հերքում է հրապարակելու արտասահմանյան ԶԼՄ-ների՝ իրականությանը չհամապատասխանող հաղորդագրությունների վերաբերյալ։
Բացի այդ, Սիմոնյանը պատասխանել է ամերիկացի սենատորներից մեկին, որը հայտարարել էր, որ Ռուսաստանն ազդել է ԱՄՆ-ում նախագահական ընտրությունների արդյունքի վրա, իսկ RT հեռուստաալիքը ինչ-որ կերպ օգտագործում է Google ալգորիթմները։ Վարկանիշի առաջին հորիզոնականը զբաղեցրել է հայտնի հեռուստահաղորդավար Վլադիմիր Պոզները։ Առաջատարների եռյակը փակում է «Էխո Մոսկվի» ռադիոակայանի գլխավոր խմբագիր Ալեքսեյ Վենեդիկտովը։
