ԵՐԵՎԱՆ, 15 մայիսի — Sputnik. Ռուս հայտնի հաղորդավար Լենա Լենինան Թաիլանդից բերված էկզոտիկ մրգեր և Հայաստանից բերված ընդեղեն ու չիր է նվիրել դերասան Վասիլի Ստեպանովին, որը վերականգնողական կուրս է անցնում Մոսկվայի հոգեբուժական կլինիկաներից մեկում։
«Այցելել եմ Վասյային։ Նրան էկզոտիկ մրգեր եմ բերել Թաիլանդից և մի արկղ օգտակար ընդեղեն ու չիր Հայաստանից», — գրել է Լենինան Instagram-ի իր էջում։
Վասիլի Ստեպանովը, որը Բոնդարչուկի «Մարդաբնակ կղզի» ֆիլմում խաղում էր Մաքսիմ Կամերերի դերը, հիվանդանոցում է հայտնվել հոգեբանական խնդիրների պատճառով, որոնք ի հայտ են եկել պատուհանից պատահաբար ընկնելու հետևանքով։
