01:07 25 սեպտեմբերի 2017
Ուղիղ եթեր
Պայթյուն` Վոլգոգրադում

Վոլգոգրադում տան պայթյունից երկու հայ է տուժել

© Sputnik/ Кирилл Брага
Ռուսաստան
Ստանալ կարճ հղումը
33 0 0

Վոլգոգրադում պայթյունի հետևանքով բնակելի տուն է փլուզվել, տուժել է ավելի քան 10 մարդ։

ԵՐԵՎԱՆ, 17 մայիսի — Sputnik. Վոլգոգրադում տան պայթյունի հետևանքով երկու հայ է տուժել` 1951 թվականին ծնված Մուրդայան Սիլվա Գևորգի և 1970 թվականի ծնված Պապյան Արմեն Միշայի, հայտնում է «Գորոդսկիո վեստի. Վոլգոգրադ» տեղեկատվական գործակալությունը։

Հայտնում են, որ Սիլվա Մուրադյանը ստացել է ուղեղի ցնցում, իսկ Արմեն Պապյանը` ուղեղի ցնցում, նաև կապտուկներ և վնասվածք ճակատային հատվածում։

Մայիսի 16-ին Վոլգոգրադում` Համալսարանական պողոտայում բնակելի տուն է փլուզվել։ Նախնական տվյալների համաձայն` փլուզումը տեղի է ունեցել կենցաղային գազի պայթյունի պատճառով։ Երեք անձ մահացել է, 11-ին տեղափոխել են հիվանդանոց։ Նրանցից երեքի վիճակը ծանր է, գտնվում են վերակենդանացման բաժանմունքում։

«Փլուզման վայրում երեք մարդու դի է հայտնաբերվել, երկուսի ինքնությունն արդեն պարզվել է։ Նրանց թվում են նշված տան բնակչուհին, ինչպես նաև քաղաքապետարանի աշխատակից, որը ժամանել էր գազատարի պայթյունի հետևանքները վերացնելու համար։ Դատաբժշկական փորձաքննություն է նշանակվել», — գրված է տարածաշրջանային քննչական կոմիտեի վարչության հաղորդագրության մեջ։

Քրեական գործ է հարուցվել ՌԴ ՔՕ 238-րդ հոդվածի 3 մասով` «Անվտանգության պահանջներին չբավարարող աշխատանքների և ծառայություններ կատարում, որոնք հանգեցրել են ավելի քան երկու անձի մահվան»։ Կան գործով ձերբակալվածներ։

Русская версия

 

Գլխավոր թեմաներ