06:47 22 սեպտեմբերի 2017
Ուղիղ եթեր
Արսեն Գրիգորյան

Արսեն Գրիգորյանն ընդգրկվել է Տվերի մարզի կառավարության կազմում

© Tverigrad
Ռուսաստան
Ստանալ կարճ հղումը
21 0 0

Գեներալ–մայոր Արսեն Գրիգորյանը կզբաղեցնի Տվերի մարզի կառավարության փոխնախագահի աթոռը։

ԵՐԵՎԱՆ, 17 մայիսի — Sputnik. Տվերի մարզի ղեկավար Իգոր Ռուդինի հանձնարարականով` Արսեն Գրիգորյանն ընդգրկվել է մարզային կառավարության կազմում` փոխնախագահի կարգավիճակում։ Այս մասին հայտնում է շրջանային ղեկավարության մամուլի ծառայությունը։

«Նահանգապետը կարծում է, որ տարածաշրջանում պետք է բարձրացնել այն ծառայությունների համակարգման արդյունավետությունը, որոնք ներգրավված են քաղաքացիական պաշտպանության և արտակարգ իրավիճակների կանխարգելման հարցերի լուծման գործում», — նշված է հաղորդագրության մեջ։

Թեև որոշվել է, որ Արսեն Գրիգորյանը կընդգրկվի կառավարության կազմում, այդուհանդերձ նա նաև կմնա Ռուսաստանի արտակարգ իրավիճակների նախարարության գլխավոր վարչության` Տվերի մարզի գծով պետի պաշտոնում։ Նշանակման հարցը քննարկվել է Արտակարգ իրավիճակների նախարար Վլադիմիր Պուչկովի հետ։

Այդ կապակցությամբ Տվերի մարզի կանոնադրության մեջ փոփոխություններ են կատարվել, որոնք թույլ են տալիս համատեղել փոխնախագահի պաշտոնը մեկ այլ աշխատանքի հետ։

Գրիգորյանը վարչության պետի պաշտոնը զբաղեցնում է 2006 թվականի հունվարից։ Նա պարգևատրվել է Պատվո շքանշանով և «Հայրենիքի հանդեպ վաստակի» I և II կարգի շքանշաններով։

Русская версия 

Գլխավոր թեմաներ