ԵՐԵՎԱՆ, 18 մայիսի — Sputnik. Ռուսաստանի արտգործնախարարության պաշտոնական ներկայացուցիչ Մարիա Զախարովան հայտարարել է, որ Ռուսաստանը, որպես ԼՂՀ հակամարտության կարգավորման միջնորդ երկիր, դատապարտում է հրադադարի ռեժիմի խախտումը։ «Կողմերին կոչ ենք անում ձեռնարկել բոլոր անհրաժեշտ միջոցները` կանխելու համար հետագա լարվածության է հակամարտության գոտում»,-ասել է Զախարովան` ճեպազրույցի ժամանակ։
Նա նշել է, որ տարբեր աղբյուրներ փաստում են, որ մայիսի 15-ին ադրբեջանական կողմից գնդակոծվել է շփման գծում գտնվող ռամական մեկ միավոր։
«Մյուս կողմը նույն կերպ է պատասխանել։ Ռազմական միավորի, նրա կրած վնասի և անձնակազմի զոհերի մասին ինֆորմացիան հակասական է։ Ուզում եմ կրկին հիշեցնել այս հարցի շուրջ ռուսական կողմի խիստ դիրքորոշումը»,-ասել է Զախարովան։
Ինչ վերաբերում է ղարաբաղյան հակամարտության կարգավորման թեմայով կողմերի պաշտոնական հանդիպումներին, ՌԴ ԱԳՆ պաշտոնական ներկայացուցիչն ասել է, որ առայժմ դրանք հստակեցված չեն։
